ចេញផ្សាយថ្ងៃសៅរ៍ ០១ កើត ខែកត្កិក ឆ្នាំចសំរឹទ្ធិស័កព.ស.២៥៦២ ត្រូវនិងថ្ងៃទី០៨ ខែធ្នូ ឆ្នាំ២០១៨
ខេត្តមណ្ឌលគិរី: ស្រុកកែវសីមា
ដោយមានការចង្អុលបង្ហាញពីឯកឧត្ដមឧត្ដមសេនីយ៍ទោឡោ សុខា ស្នងការនគរបាលខេត្ត កំលាំងប៉ុស្តិនគរបាលឃុំស្រែព្រះ នៃអធិការនគរបាលស្រុកកែវសីមា សហការជាមួយកំលាំងប្រជាការពារភូមិ បានឃាត់ខ្លួនជនសង្ស័យ០១នាក់កាលពីវេលាម៉ោង១៦និង១០នាទី ថ្ងៃទី០៧ ខែធ្នូឆ្នាំ២០១៨។
លោកវរសេនីយ៍ទោ វ៉ាន ដានីន អធិការនគរបាលស្រុកបានឱយសារព័ត៌មាននិងគេហទំព័រ ខ្មែរអច្ឆរិយ: ដឹងថា នៅថ្ងៃខាងលើនោះ កំលាំងយើងបានចុះល្បាតការពាសុវត្ថិភាពជូនប្រជាពលរដ្ឋនៅគ្រប់ចំណុចគោលដៅក្នុងភូមិសាស្ត្រស្រុកទាំងមូល។
លុះដល់ចំណុចត្រពាំងផ្លែង ស្ថិតនៅក្នុងភូមិពូចារ ឃុំស្រែព្រះ ស្រុកកែវសីមា បានប្រទះឃើញមុខសញ្ញាជនសង្ស័យ ក៍បានឃាត់ខ្លួនសួរនាំ និងឈានដល់ការឆែកឆេរ ឃាត់ខ្លួនប្រាណជនសង្ស័យ០១នាក់មានឈ្មោះ សេន ពីរ ភេទប្រុស អាយុ៣៦ឆ្នាំ ជនជាតិឥស្លាម សញ្ជាតិខ្មែរមុខរបរមិនពិតប្រាកដ មានស្រុកកំណើត ភូមិឆ្លូង១ ឃុំកំពាន់ ស្រុកមេមត់ ខេត្តកំពង់ចាម និងមានទីលំនៅបច្ចុប្បន្ន ភូមិឆ្នែង ឃុំស្រែខ្ទុម ស្រុកកែវសីមា ខេត្តមណ្ឌលគិរី។
នៅពេលឃាត់ខ្លួនជាក់ស្ដែងសមត្ថកិច្ចជំនាញបានធ្វេីការឆែកឆេររកឃើញវត្ថុតាងរួមមាន:
– ម្សៅក្រាមព័ណសសង្ស័យថាជាសារធាតុញៀននិងពណ៍ទឹកក្រូចចំនួន០២កញ្ចប់ធំល្មម។
– ប្រាក់ដូល្លា ចំនួន ១០០$
– ប្រាក់រៀល ចំនួន ១.៦៣០.០០០គត់ ( មួយលានហុកសិបបីមុឺនរៀលគត់ )
– ដែកកេៈ ចំនួន០៥
– ឧបករណ៍សំរាប់សេពគ្រឿងមួយចំនួន
– ទូរស័ព្ទដៃ ចំនួន ០១គ្រឿង ( អិនចុចពិល )
– រណាយន្ត ចំនួន០១គ្រឿង
– ម៉ូតូកែឆ្នៃ ចំនួន០១គ្រឿង
បច្ចុប្បន្នជនសង្ស័យនិងវត្ថុតាងកំពុងកសាងសំរឿងនៅអធិការដ្ឋាននគរបាលស្រុកកែវសីមានិងបញ្ជូនទៅស្នងការដេីម្បីចំណាត់ការតាមនិតិវិធីច្បាប់បញ្ជូនទៅសាលាដំបូងខេត្ត។(ដោយសារព័ត៌មាននិងគេហទំព័រ”ខ្មែរអច្ឆរិយ:”http://www.khpress.net)
