ចេញផ្សាយថ្ងៃព្រហស្បតិ៍ ទី១៥រោចខែពិសាខឆ្នាំរោងឆស័ក.២៥៦៨ត្រូវនឹងថ្ងៃទី៦ឆ្នាំ២០២៤
អភិបាលក្រុងសិរីសោភ័ណបញ្ចេញកណ្ដាប់ដៃដែក ដឹកនាំកម្លាំងចុះបង្ក្រាបក្លឹបកំសាន្តយីហោ(TNL)ឃាត់ខ្លួនមនុស្ស ជាច្រើននាក់និងរឹបអូសបានគ្រឿងញៀនមួយចំនួន
បន្ទាយមានជ័យ៖ អភិបាលក្រុងសិរីសោភ័ណដឹកនាំកម្លាំងចុះបង្ក្រាបក្លឹបកំសាន្តយីហោTNL(ចំការខ្នុរ)ឃាត់ខ្លួនចំនួន២៤នាក់ក្នុងនោះមានភ្ញៀវចំនួន១៧នាក់ស្រី២នាក់និងអ្នកបម្រើសេវ៉ាក្នុងក្លឹបចំនួន៧នាក់និងរឹបអូសគ្រឿងញៀនមួយចំនួន នៅយប់រំលងអាទ្រាធចូលថ្ងៃទី០៣ ខែមិថុនា ឆ្នាំ២០២៤ស្ថិតភូមិចំការខ្នុរ សង្កាត់អូរអំបិល ក្រុងសិរីសោភ័ណ។
មនុស្សប្រុសស្រីដែលឃាត់ខ្លួនបាននិងយកមកធ្វើតេស្តរកសាធាតុញៀនបើរកឃើញនិងអនុវត្តតាមច្បាប់ត្រូវបញ្ជូនទៅតុលាការចំណែកអ្នកដែលរកមិនឃើញធ្វើការអប់រំនិងកិច្ចសន្យាអោយបញ្ឈប់សកម្មភាព។
លោក ស្រេង សុផល អភិបាលក្រុងសិរីសោភ័ណបានបញ្ជាក់ថាការចុះបង្រ្កាបនេះដើម្បីលុបបំបាតបទល្មើសគ្រឿងញៀន និងក្រុមបងតូចបងធំ ក្លឹបកំសាន្តនិងហាងខារ៉ាអូខេដែលមានលួចលាក់បង្កប់ជួញដូរគ្រឿងញៀននិងបទល្មើសផ្សេងៗ។
សូមរំលឹកផងដែរថា មួយរយៈពេលនេះគេសង្កេតឃើញនឹងមានបទបញ្ជាយ៉ាងម៉ឺងម៉ាត់និងបញ្ជារផ្ទាល់ពីលោកឧត្តមសេនីយ៍ទោសិទ្ធិ ឡោះស្នងការដ្ឋាននគរបាលខេត្តបន្ទាយមានជ័យផងនោះមានកម្លាំងសមត្ថកិច្ច តែងតែចុះអនុវត្តន៍ធ្វើការបង្ក្រាបដូចភ្លៀងរលឹមនៅក្នុងទឹកដីខេត្តបន្ទាយមានជ័យ ក៏ប៉ុន្តែបទល្មើសប្រើប្រាស់គ្រឿងញៀនតាម ktv មួយចំនួននៅតែបន្តប្រព្រឹត្ត ហាក់មិនញញើតច្បាប់និងសមត្ថកិច្ចនោះឡើយ ឬមួយសមត្ថកិច្ចនិងអាជ្ញាធរប្រើកណ្ដាប់ដៃស្រាពេកក៏មិនដឹងនេះបើតាមការលើកឡើងពីពលរដ្ឋ៕
អត្ថបទដោយៈ ស៊ាងហឿន
ធ្វើសេចក្តីរាយការណ៍ដោយអង្គភាពគេហទំព័រ”ខ្មែរអច្ឆរិយ:” http://khpress.net@-ការិយាល័យនិពន្ឋនាយកៈ០១២៥០៥៣៤៤/០៧៧៥៥៥១៤១