ចេញផ្សាយថ្ងៃច័ន្ទទី៦រោចខែចែត្រឆ្នាំរោងឆស័ក.២៥៦៧ត្រូវនឹងថ្ងៃទី២៩ឆ្នាំ២០២៤
បុរសម្នាក់បានស្លា.ប់បន្ទាប់ពីបញ្ជូនដល់មន្ទីរពេទ្យ..!
មណ្ឌលគិរី ៖ បុរសម្នាក់ចុះស្ដារអណ្ដូងទឹក
គ្រាដែលកំពុងតែជីកដីក្នុងអណ្តូង ដីបានបាក់សង្កត់បណ្ដាលឱ្យរងរបួសធ្ងន់កាលពីថ្ងៃទី២៨ ខែមេសា ឆ្នាំ២០២៤ នៅវេលាម៉ោង១៦និង៣០នាទី។
ឧបទ្ទវហេតុបាក់ដីសង្កត់មនុស្សចុះស្តាអណ្តូងនេះ បានកើតឡើងនៅចំណុចព្រៃខៀវ ស្ថិតនៅក្នុងភូមិរវាក់ ឃុំរយ៉ ស្រុកកោះញែក ខេត្តមណ្ឌលគិរី។
ជនរងគ្រោះឈ្មោះ កសឹម អារី ភេទប្រុស អាយុ៣៥ឆ្នាំ ជនជាតិអ៊ីស្លាម សញ្ជាតិខ្មែរ មុខរបរកសិករ មានទីលំនៅបច្ចុប្បន្នចំណុចព្រៃខៀវ ស្ថិតនៅក្នុងភូមិរវាក់ ឃុំរយ៉ ស្រុកកោះញែក។
យោងតាមសេចក្តីរាយការណ៍ពីក្រុមគ្រួសារជនរងគ្រោះបានឲ្យដឹងថា”អណ្ដូងរីងខ្វះទឹកប្រើប្រាស់ក្នុងគ្រួសារ ទើបជនរងគ្រោះ សំរេចចិត្តចុះស្ដារអណ្ដូងដើម្បីយកទឹកប្រើ។ ក្រោយមកមានហេតុការអាក្រក់បានបាក់ដីធ្លាក់សង្កត់បណ្ដាលជនរងគ្រោះជាប់ខ្លួននៅក្នុងអណ្ដូង។ ពេលនោះក្រុមគ្រួសារនិងសាច់ញាតិបាននាំគ្នាជួយគាស់យកជនរងគ្រោះពីក្នុងអណ្ដូង រួចបញ្ជូនជនរងគ្រោះទៅមន្ទីរពេទ្យ ខេត្តស្ទឹងត្រែង។
លុះទៅដល់មន្ទីរពេទ្យជនរងគ្រោះបានដាច់ខ្យល់ស្លាប់តែម្តង។
បច្ចុប្បន្នក្រុមគ្រួសារនិងសាច់ញាតិជនរងគ្រោះបានដឹកជនរងគ្រោះយកទៅធ្វើបុណ្យតាមប្រពៃណីនៅឯស្រុកកំណើត ខេត្តកំពង់ចាម៕
ធ្វើសេចក្តីរាយការណ៍ដោយអង្គភាពគេហទំព័រ”ខ្មែរអច្ឆរិយ:” http://khpress.net@-ការិយាល័យនិពន្ឋនាយកៈ០១២៥០៥៣៤៤/077555141