ចេញផ្សាយថ្ងៃសុក្រទី៣កើតខែពិសាខឆ្នាំរោងឆស័ក.២៥៦៧ត្រូវនឹងថ្ងៃទី១០ឆ្នាំ២០២៤
មានករណី បុរសកម្មករអូសរទេះបន្លែនៅផ្សារនាគមាសម្នាក់ បានក្អួតធ្លាក់ឈាមដួលស្លាប់ នៅលើចិញ្ចើមផ្លូវដោយគេសង្ស័យថាមានជំងឺរលាក់ក្រពះធ្ងន់ធ្ងរ
ភ្នំពេញ÷ កម្មករអូសរទេះបន្លែនៅផ្សារនាគមាសម្នាក់ បានក្អួតធ្លាក់ឈាមដួលស្លាប់ នៅលើចិញ្ចើមផ្លូវដោយគេសង្ស័យថាមានជំងឺក្រពះធ្ងន់ធ្ងរចំពោះហេតុការណ៍នេះដែរត្រូវបានកើតឡើង វេលាម៉ោង ១១ព្រឹក ថ្ងៃទី០៩ ខែឧសភា ឆ្នាំ២០២៤ នៅចំណុចចិញ្ចើមផ្លូវលេខ៣៣៦ ភូមិ៤ សង្កាត់ផ្សារដើមគរ ខណ្ឌទួលគោក រាជធានីភ្នំពេញ។
យោងតាមរបាយការណ៍របស់សមត្ថកិច្ច បានឲ្យដឹងថា សពជនរងគ្រោះមិនស្គាល់អត្តសញ្ញាណនោះទេ ដោយឡែកមុខរបរបុរសខាងលើជាកម្មករអូសរទេះបន្លែនៅផ្សារនាគមាស ដែលមានទីលំនៅមិនពិតប្រាកដ។
ទន្ទឹមនិងការស្លាបបាត់បង់ជីវិត នៃជនរងគ្រោះជាកម្មករអូសរទេះនៅផ្សារនាគមាស គឺតែងតែផឹកស្រាស្រវឹងជារៀងរាល់ថ្ងៃ នេះបើយោងតាមប្រភពព័ត៌មានរបស់បងប្អូនប្រជាពលរដ្ឋដែលជាអាជីវករនិងជាអ្នកអូសរទេះដូចគ្នាបានរាយការណ៍ប្រាប់។
ប្រភពដដែលបានបន្តទៀតថា លុះនៅវេលាព្រឹក ថ្ងៃទី០៩ ខែឧសភា ឆ្នាំ២០២៤ គេឃើញជនរងគ្រោះអង្គុយនៅចិញ្ចើមផ្លូវមានអាការៈមិនស្រួលហើយអ្នកក្បែរខាងជាកម្មករដូចគ្នាដោយឃើញអាការៈមិនស្រួលក៏បានទិញទឹកចំនួនមួយដបឲ្យផឹក ។
បន្តិចក្រោយក៏ឃើញជនរងគ្រោះប្រកាច់ដេកស្លាប់នៅលើចិញ្ចើមផ្លូវដោយមានក្អួតធ្លាក់ឈាម ហើយភ្លាមៗមនុស្សផងដែរអ្នកដែលបានឃើញហេតុការណ៍នេះក៍រាយការណ៍ជូនសមត្ថកិច្ចអោយមកជួយត្រួតពិនិត្យ និងធ្វើកោសល្យវិច័យថាតើសពបុរសខាងលើស្លាប់ដោយសារមូលហេតុអ្វី បន្ទាប់ពីត្រួតពិនិត្យសាកសពរួច សមត្ថកិច្ចបានសន្និដ្ឋានថា ៖គឺស្លាប់ដោយសារក្អួតធ្លាក់ឈាមធ្ងន់ធ្ងរ បណ្ដាលមកពីជម្ងឺរលាកក្រពះ ។
ធ្វើសេចក្តីរាយការណ៍ដោយអង្គភាពគេហទំព័រ”ខ្មែរអច្ឆរិយ:” http://khpress.net@-ការិយាល័យនិពន្ឋនាយកៈ០១២៥០៥៣៤៤/077555141