ចេញផ្សាយថ្ងៃសុក្រ ១៥រោជ ខែកត្កិក ឆ្នាំចសំរឹទ្ធិស័កព.ស.២៥៦២ ត្រូវនឹងថ្ងៃទី០៧ ខែធ្នូ ឆ្នាំ២០១៨។
ភ្នំពេញ ៖ ក្រោយពីស្ថាប័នកំពូលនៃរដ្ឌសភាកម្ពុជាកាលពីថ្ងៃទី ០៣ ខែ ធ្នូ ឆ្នាំ ២០១៨ ដែលផ្ដួចផ្ដើមធ្វើច្បាប់ ស្ដីពីវិសោធនកម្មត្រង់មាត្រា ៤៥ (ស្ទួន) ដែលនិយាយអំពីការធ្វើច្បាប់សម្រាប់ អ្នកដែលជាប់បម្រាមហាមឃាត់ក្នុងការធ្វើនយោបាយអាចនឹងមានសិទ្ធទិធ្វើនយោបាយបានទៅឡើងវិញ តាមរយះការស្នើសុំពីរដ្ឌមន្ត្រីក្រសួងមហាផ្ទៃទៅនាយករដ្ឌមន្ត្រីស្នើសុំបន្តទៅកាន់អង្គព្រះមហាក្សត្រ ។ ហើយច្បាប់នេះត្រូវបានគណះកម្មាធិការអចិន្ត្រៃយ៍ នៃ រដ្ឌសភាបញ្ចូនទៅគណះកម្មាធិការទី៦នៃរដ្ឌសភាពិនិត្យនិងត្រៀមដាក់អោយអង្គសភាអនុម័ត។
អ្នកដើមបណ្ដឹង នៃ ក្រសួងមហាផ្ទៃ នឹងពិនិត្យលើការដក បម្រាមហាមឃាត់ធ្វើសកម្មភាព នយោបាយលើ លោក កឹម សុខា អតីតប្រធានគណបក្សសង្គ្រោះជាតិ រួមទាំងមន្ត្រីមួយចំនួន ដែលដែលបានអនុវត្តសាលដីការបស់តុលាការកំពូលកម្ពុជា នៅពាក់កណ្តាល ខែធ្នូ ខាងមុខនេះ គឺបន្ទាប់ពី រដ្ឋសភា អនុម័ត វិសោធនកម្ម លើមាត្រា ៤៥ថ្មី (ស្ទួន) នៃច្បាប់ ស្តីពី គណបក្សនយោបាយរួច។
សម្ដេច ស ខេង ថ្លែងនៅកាន់ ក្រុមអ្នកកាសែត នៅថ្ងៃទី៦ ខែធ្នូ ឆ្នាំ២០១៨ នេះថា សម្តេចក្រឡាហោមម ស ខេង នាយករដ្ឋមន្ត្រីស្តីទី បានថ្លែង នៅព្រឹក ថ្ងៃទី០៦ ខែធ្នូ នេះថា ក្រសួងមហាផ្ទៃ នឹង ពិនិត្យលើការដកបម្រាមលើអតីតមន្ត្រីគណបក្សសង្គ្រោះជាតិ ចំនួន ១១៨ រូប ក្រោយច្បាប់ ចូលជា ធរមាន ។ នៅក្នុង ច្បាប់បាន ដាក់ថា តាម សំណើ របស់ រដ្ឋមន្ត្រីក្រសួងមហាផ្ទៃ នាយករដ្ឋមន្ត្រី លើកសំណើ ទៅព្រះមហាក្សត្រ។ ដោយ សម្តេចក្រឡាហោម បានបញ្ជាក់ថា ” ខ្ញុំយល់ថា អ្នកណា ដែលបានគោរព សាលក្រម គិតដល់ អ្នកគោរព សាលក្រមមុន អាទិភាព គឺអ្នកដែល គោរពសាលក្រម មុន”។
ឆ្លើយសំនួរជាមួយភ្នាក់ងារព័ត៌មាន [ខ្លីៗ] ថាតើការដកបម្រាមនេះអាចមានលោក កឹម សុខា ដែរឬទេ? សម្តេច ស ខេង បានឆ្លើយថា “បើយល់ថា អ្នកណាគោរព សាលក្រម យើងយល់ បានហើយ ខ្ញុំមិននិយាយ បន្តទេ”។ សូមបញ្ជាក់ថា ចាប់តាំងពីដែល តំណាងរាស្ត្រ ហត្ថលេខី ចំនួន ៨៧ នាក់ មកពី គណបក្សប្រជាជន កម្ពុជា បាន ផ្ដួចផ្ដើម ធ្វើ សេចក្តីច្បាប់ ស្ដីពីវិសោធនកម្មច្បាប់មាត្រ ៤៥( ស្ទួន ) នៃច្បាប់ស្ដីពីគណបក្សនយោបាយ។
ហើយនៅព្រឹកថ្ងៃទី០៥ ខែ ធ្នូ ឆ្នាំ២០១៨កាលពីម្សិលមិញ គណះកម្មាធិការអចិន្ត្រៃយ៍ នៃ រដ្ឋសភាជាតិ បានបើកកិច្ចប្រជុំលើ ច្បាប់វិសោធនកម្មច្បាប់ នេះផងដែរ។មហាជនកំពុងតាមដាន ស្ថានការណ៍ នៃការ បង្កើតច្បាប់នេះ យ៉ាងយកចិត្តទុកដាក់ ជាទីបំផុត ក្រោយពី ច្បាប់នេះ បានរៀប ចំឡើងកាលពីថ្ងៃទី០៣ ខែ ធ្នូ ឆ្នាំ ២០១៨ ហើយប្រជាពលរដ្ឋ មានការសប្បាយចិត្ត ថាប្រទេសជាតិនឹងវិលទៅរក ការធូរស្បើយនៃស្ថានការណ៍នយោបាយ នៅប្រទេសកម្ពុជា។
ចំំណែកខាងអតីត គណបក្សសង្គ្រោះជាតិ វិញមានអ្នកវិភាគឯករាជ្យខ្លះ បានលើកឡើងថា ក្រោយពីច្បាប់វិសោធនកម្មស្ដីពីការហាមឃាត់មិនអោយ អ្នកធ្វើនយោបាយ អាចមានសិទ្ធិធ្នយោបាយវិញបាន តាមរយះការស្នើសុំ ព្រះមហាក្សត្រ តាមសំណើររបស់ នាយករដ្ឌមន្ត្រី ភាគីលោក កឹម សុខា អាចនឹងមាន អាទិភាពជាង ភាគីលោក សម រង្សី ។ ហើយម្យ៉ាងទៀតពេលនេះ សេចក្កីសម្រេច មហាសន្និបាទ ពិភពលោក នៅអាត្លង់តា សហរដ្ឌអាមេរិក ដែលប្រធានស្ដីទី គណបក្សសង្គ្រោះជាតិ បានអោយលោកស្រី មួរ សុខហួរ ប្រមែប្រមូលគណៈកម្មាធិការ អចិន្ត្រៃយ៍ CNRP រយះពេលតែមួយសប្ដាហ៍ តែប៉ុណ្ណោះ ។
ហើយបើតាមការវិភាគ របស់អ្នកវិភាគឯករាជ្យបានអោយដឹងថា CNRP ប្រហែលជាមិនអាច ជួបជុំគ្នាជាធ្លុងមួយបានទេ ពីព្រោះ ភាគីលោក កឹម សុខា ជាពិសេសកូនស្រីរបស់លោក បានវាយប្រហារ មកលើលោក សម រង្សី យ៉ាងចាស់ដៃ ដែលជាហេតុធ្វើអោយ អ្នកតាមដានស្ថានការណ៍ នយោបាយនៅ កម្ពុជា អាចវាយតម្លៃបានថា ភាគីលោក កឹម សុខា ដែលភាគច្រើន មាន វត្តមាននៅក្នុងប្រទេស អាចនឹងទទួលបាន សិទ្ទិធ្វើនយោបាយ មុន ក្នុងចំណោម អ្នកដែលត្រូវហាមឃាត់ចំនួន ១១៨ នាក់ ។
(ដោយសារព័ត៌មាននិងគេហទំព័រ ” ខ្មែរអច្ឆរិយ: ” http://www.khpress.net)
