ចេញផ្សាយថ្ងៃច័ន្ទ០៤រោច ខែកត្តិក ឆ្នាំច សំរឹទ្ធិស័កព.ស២៥៦២ ត្រូវនឹងថ្ងៃទី២៦ខែវិច្ឆិកាឆ្នាំ២០១៨
ខេត្តតាកែវ ៖
នៅវេលាម៉ោង ០៩និង៣០នាទី ថ្ងៃទី២៦ខែវិច្ឆិកាឆ្នាំ២០១៨ កម្លាំងជំនាញស្នងការដ្ឋាននគរបាលខេត្តតាកែវ ចំនួន១០៥នាក់ ដឹកនាំដោយឯកឧត្ដមឧត្តមសេនីយ៍ទោ សុខ សំណាង ស្នងការនគរបាលខេត្តតាកែវ ។
ដោយមានការសហការជាមួយកម្លាំងនាយកដ្ឋានប្រឆាំងភេរវកម្ម និងឧក្រិដ្ឋកម្មឆ្លងដែននៃអគ្គស្នងការដ្ឋាននគរបាលជាតិ ដឹកនាំដោយឯកឧត្តម ឧត្តមសេនីយ៍ឯក អ៊ី សុខឃី ប្រធាននាយកដ្ឋានប្រឆាំងភេរវកម្ម និងឧក្រិដ្ឋកម្មឆ្លងដែន បានធ្វើការបង្ក្រាបទីតាំងចាប់ជំរិតតាមប្រព័ន្ធអ៊ីនធើណែតចំនួន០៤ទីតាំងផ្សេងគ្នាក្នុងនោះរួមមានៈ
– ទីតាំងទី១ ស្ថិតនៅភូមិបុស្សតាផង់ ឃុំត្រពាំងក្រញូង ស្រុកត្រាំកក់ ឃាត់ខ្លួនជនជាតិចិនចំនួន ៦៣នាក់ ស្រី០៧នាក់។
– ទីតាំងទី២ ស្ថិតនៅភូមិបុស្សតាផង់ ឃុំត្រពាំងក្រញូង ស្រុកត្រាំកក់ ឃាត់ខ្លួនជនជាតិចិន ចំនួន ១២នាក់(ប្រុស)។
– ទីតាំងទី៣ ស្ថិតនៅភូមិតាំងដូង ឃុំតាំងដូង ស្រុកបាទី ឃាត់ខ្លួនជនជាតិចិន ចំនួន ៧០នាក់ ស្រី២៤នាក់។
– ទីតាំងទី៤ ស្ថិតនៅភូមិព្រៃក្រាយ ឃុំតាំងដូង ស្រុកបាទី ឃាត់ខ្លួនជនជាតិចិនចំនួន ៩០នាក់ ស្រី០៥នាក់។
សូមបញ្ជាក់ថា ជនជាតិចិនដែលត្រូវបានឃាត់ខ្លួនសរុបទាំង០៤ទីតាំង ចំនួន ២៣៥នាក់ ស្រី ៣៦នាក់កំពុងធ្វេីការសាកសួរដេីម្បីចំណាត់ការតាមនីតិវិធីច្បាប់។
(ដោយសារព័ត៌មាននិងគេហទំព័រ”ខ្មែរអច្ឆរិយ:” http://www.khpress.net)