ខេត្តមណ្ឌលគិរី-ស្រុកពេជ្រាដា ៖ នៅថ្ងៃទី01ខែកក្កដាឆ្នាំ2018វេលាម៉ោង14និង30នាទី ក្រោមការចង្អុលបង្ហាញពីឧត្ដមសេនីយ៍ត្រី ហែម បូណារែល មេបញ្ជាការកងរាជអាវុធហត្ថខេត្ត ដោយមានកំលាំង កងរាជអាវុធហត្ថខេត្តបានសហការជាមួយកំលាំងកងរាជអាវុធហត្ថ និង កំលាំងអធិការដ្ឋាននគរបាលស្រុកពេជ្រាដាបានចុះបង្ក្រាបបទល្មើសព្រៃឈើជាក់ស្ដែងនៅចំណុចភូមិពូទឹល ឃុំប៊ូស្រា ស្រុកពេជ្រាដា ក្នុងការចុះបង្ក្រាបនោះចាប់បាន ឈើចំនួន101កំណាត់ជាប្រភេទឈើគគី និងស្រឡៅ ដែលក្រុមឈ្មួញរកស៊ីយកទៅលាក់នៅក្នុងព្រៃ ដើម្បីត្រៀមដឹកជញ្ជូនយកទៅលក់អោយយួននៅច្រកណាំលៀ(ប៉ុស្តិ7)។
បច្ចុប្បន្ននេះ វត្ថុតាងឈើចំនួន101កំណាត់ខាងលើត្រូវបានប្រគល់អោយទៅមន្ទីរជំនាញដើម្បីរក្សាទុកនិងកសាងសំណុំរឿងចាត់ការបន្តតាមនីតិវិធី។
ចំណែកឈ្មួញរកស៊ីឈើវិញកំពុងធ្វើការស្រាវជ្រាវដើម្បីឈានដល់ការឃាត់ខ្លួនតាមច្បាប់។សូមតាមដានព័ត៏មានបន្ថែម ៕
