ចេញផ្សាយថ្ងៃទី០៨ខែវិច្ឆិកាឆ្នាំ២០១៨
ខេត្តបាត់ដំបង:ស្រុកបាណន់
ក្រុមជួញដូរសារធាតុញៀន(គ្រឿងញៀន)ចំនួន៤នាក់ស្ត្រីម្នាក់ផងត្រូវកម្លាំងកងរាជអាវុធហត្ថឃាត់ខ្លួនកាលពីព្រឹកថ្ងៃទី០៨វិច្ឆិការ.ឆ្នាំ២០១៨ កំពុងអង្គុយផ្ដុំគ្នា ច្រកថ្នាំញៀនលក់យ៉ាងសប្បាយនៅក្នុងរោងមួយកន្លែងខាងមុខសាលាអនុវិទ្យាល័យឈើទាលស្ថិតនៅក្នុងភូមិឈើទាល ឃុំឈើទាល ស្រុកបាណន់ ខេត្តបាត់ដំបង។
ជនសង្សយ័ទាំង៤នាក់នោះមានឈ្មោះដូចខាងក្រោម:
១/ ឈ្មោះធឿត វ៉ាន់ថា ប្រុសអាយុ២៧ឆ្នាំ រស់នៅភូមិឈើទាល ឃុំឈើទាល ស្រុកបាណន់
២/ ឈ្មោះសៀក សៅលី ប្រុសអាយុ២២ឆ្នាំ រស់នៅភូមិច្រាបក្រសាំង សង្កាត់វត្តគរ ក្រុងបាត់ដំបង
៣/ ឈ្មោះជួប សង្ហា ប្រុសអាយុ៣២ឆ្នាំ រស់នៅភូមិកំពង់ស្រម៉ ឃុំឈើទាល ស្រុកបាណន់
៤/ ឈ្មោះម៉ៅ ស្រីប៉ោះ ស្រីអាយុ១៧ឆ្នាំ រស់នៅភូមិឥន្ទជិត ឃុំឈើទាល ស្រុបាណន់។
បើតាមរបាយការណ៏ក្នុងការបង្ក្រាបខាងលើកម្លាំងជំនាញដកហូតវត្ថុតាងបានថ្នាំម្ស៉ៅក្រាមពណ៏សថ្លាសង្ស័យមេតំហ្វេតាមីនICE(ម៉ាទឹកកក)ចំនួន០២ថង់ មានទម្ងន់៤,៤៦ក្រាម, ថង់ច្រកថ្នាំ១២ដុំ, ដែកកេះ០៦, កន្ត្រៃ០១, និងសម្ភារៈសម្រាប់ជក់ថ្នាំញៀនមួយចំនួនទៀត។
ជនសង្សយ័ទាំង៤នាក់រួមទាំងវត្ថុតាងត្រូវបានកងរាជអាវុធហត្ថស្រុកបាណន់កំពុងសួរនាំបញ្ជូនទៅកងរាជអាវុធហត្ថខេត្តដើម្បីកសាងសំណុំរឿងបញ្ជូនទៅសាលាដំបូងខេត្តចាត់ការតាមនីតិវិធីច្បាប់។(ដោយខ្មែរអច្ឆរិយ:))