ចេញផ្សាយថ្ងៃទី០៧ខែវិច្ឆិកាឆ្នាំ២០១៨
ខេត្តកំពង់ឆ្នាំង ៖ នៅថ្ងៃទី០៧ ខែវិច្ឆិកា ឆ្នាំ២០១៨នេះ លោករដ្ឋមន្ត្រី ក្រសួងកសិកម្ម រុក្ខាប្រមាញ់និងនេសាទព្រមទាំងប្រតិភូអមដំណើរ បានអញ្ជើញបន្តចុះពិនិត្យមើលស្ថានភាពកសិដ្ឋានដាំបន្លែសណ្តែកគួរត្រសក់និងត្រកួនសុវត្ថិភាពរបស់សហគមន៍ស្វាយមានជ័យស្ថិតនៅឃុំស្វាយស្រុកសាមគ្គីមានជ័យខេត្តកំពង់ឆ្នាំងដែលមាន១៧ក្រុម ស្មើនឹង៩៧គ្រួសារដាំដុះលើផ្ទៃដីប្រមាណ៧ហិកតា។
គូសបញ្ជាក់ផងដែរ កាលកន្លងមកសហគមន៍បានទទួលការបណ្តុះបណ្តាល ពីមន្ត្រីកសិកម្មខេត្តកំពង់ឆ្នាំង អំពីបច្ចេកទេសនៃការដាំដុះ ហើយក៏ធ្លាប់បាន ទទួលគាំទ្រពីគម្រោងដៃគូមួយចំនួនផងដែរ។ បច្ចុប្បន្ននេះ សហគមន៍បាន ធ្វើកិច្ចសន្យាជាមួយវិស័យឯកជនមួយចំនួនដូចជាក្រុមហ៊ុន KOC និង REMIX ដែលបានប្រមូលទិញ និងចែកចាយទៅទីផ្សារ។
តាមរយៈនៃការអនុវត្តកិច្ចសន្យានេះ សហគមន៍បានទទួលនូវពត៌មាន អំពីតម្រូវការទីផ្សារជាក់លាក់ និងបានរៀបចំផែនការដាំដុះច្បាស់លាស់ តាមការបញ្ជាទិញ ហើយសហគមន៍គ្រោងនឹងពង្រីកបន្ថែមនូវសក្តានុពល ដាំដុះបន្ថែមទៀត ព្រោះសមាជិកសហគមន៍កំពុងទទួលបាននូវផល ប្រយោជន៍ពិតពីការដាំបន្លែ ហើយជីវភាពក៏មានភាពប្រសើរឡើងផងដែរ។
ឆ្លៀតក្នុឱកាសនោះ លោករដ្ឋមន្ត្រី ក៏បានផ្តាំផ្ញើឲ្យសហគមន៍បន្តពង្រីក លទ្ធភាពបន្ថែម ដើម្បីបំពេញតម្រូវការទីផ្សារ ហើយបានណែនាំដល់មន្ទីរ កសិកម្ម រុក្ខាប្រមាញ់ និងនេសាទ ជួយដល់បច្ចេកទេសបន្ថែម និងផ្តល់ការ គាំទ្រដល់ការបិទស្លាកសម្គាល់គុណភាពផលិតផលដែលសហគមន៍ផលិតបាន ដើម្បីឲ្យអតិថិជនស្គាល់ពីផលិតផលកម្ពុជា និងមានគុណភាពខ្ពស់៕
(ដោយ ៖ ខ្មែរអច្ឆរិយ khmer wonders website)