ខេត្តមណ្ឌលគិរី: ស្រុកអូររាំង
ចេញផ្សាយថ្ងៃទី០២ខែវិច្ឆិការឆ្នាំ២០១៨
តាមសេចក្តីរាយការណ៍ព័ត៌មានជាបឋមបានប្រាប់សារព័ត៌មានខ្មែរអច្ឆរិយ:អោយដឹងថា មានករណីរថយន្តវេអង០១គ្រឿងបានធ្លាក់ផ្លូវក្រឡាប់នៅចំណុចអូរងើយ ក្នុងភូមិអណ្ដូងក្រឡឹង ឃុំសែនមនោរម្យ ស្រុកអូររាំង ខេត្តមណ្ឌលគិរី នៅយប់ថ្ងៃទី០១ខែវិច្ឆិការឆ្នាំ២០១៨។
នៅក្នុងហេតុការណ៍នភ្លាមៗនោះ មានកម្លាំងមន្ត្រីប៉ូលីសបានចុះទៅកន្លែងកើតហេតុ ដើម្បីពិនិត្យនិងជួយសង្គ្រោះមនុស្សដែលរងគ្រោះនៅក្នុងរថយន្តសម្ថកិច្ចបានបញ្ជាក់ប្រាប់ថា នៅក្នុងហេតុការណ៍គ្រោះថ្នាក់នេះបណ្តាលអោយមានមនុស្ស០១នាក់បានស្លាប់នៅនិងកន្លែងតែម្តង់ មានឈ្មោះ មាស សុភី ភេទប្រុស អាយុ៣៤ឆ្នាំ រស់នៅភូមិ ឆ្លាមក្ដោង ឃុំជីរោ២ ស្រុក ខេត្ត ត្បូងឃ្មុំ និងមានអ្នករងរបួសធ្ងន់០១នាក់មានឈ្មោះ ម៉ាសាខន ភេទប្រុស អាយុ២៥ឆ្នាំរស់ភូមិឃុំដូចអ្នកស្លាប់ដែរត្រូវបានបញ្ជូនទៅមន្ទីពេទ្យបង្អែកខេត្តភ្លាមៗដេីម្បីសង្គ្រោះ។
បើតាមប្រភពព័ត៌មានពីកន្លែងកើតហេតុបានបញ្ជាក់ថា នៅក្នុងរថយន្តវេអង់០១គ្រឿងនេះគឺជារថយន្តរបស់លោកឧកញ្ញ៉ា តុប វីដា បានផ្ទុកសុទ្ធតែឈើក្រហមពីលើ និងឈើប្រណីតដាក់លាក់នៅពីក្រោម សរុបប្រហែល២០ម៉ែត្រគូប ពាក់ព័ន្ធបញ្ហាមានច្បាប់ឬយ៉ាងណានោះ ក្រុមការងារយើងខ្ញុំនិងតាមដានដើម្បីធ្វើការផ្សព្វផ្សាយជូនមហាជនតាមបន្តទៀត ។
បើតាមការខ្សឹបខ្សៀវតៗគ្នាថា រថយន្តមួយគ្រឿងនេះបានដឹកឈើចេញពីក្រុមហ៊ុន យូនីហ្គ្រីន របស់លោក ឧកញ៉ា តុប វីដា ស្ថិតនៅក្នុងទឹកដីស្រុកកោះញ៉ែក ខេត្តមណ្ឌលគីរី នេះតែម្តង ហើយក៍មិនទាន់បានដឹងថាដឹកយកទៅចំណុចគោលដៅទីកន្លែងអោយបានពិតប្រាកដនៅឡើយទេយើងនិងតាមដានចុះផ្សាយលេខបន្ត ៕
(ដោយខ្មែរអច្ឆរិយ:)
