បន្ទាយមានជ័យ ៖ ដោយមានការចង្អុលបង្ហាញពីសំណាក់លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោពលខេមរភូមិន្ទមេបញ្ជាការកងរាជអាវុធហត្ថលើផ្ទៃប្រទេសអោយគ្រប់បណ្តាថ្នាក់ដឹកនាំកងរាជអាវុធហត្ថរាជធានី-ខេត្តយកចិត្តទុកដាក់លើបញ្ហាសុខទុក្ខដល់នាយទាហាន-នាយទាហានរង និងពលទាហាននៃកងរាជអាវុធហត្ថទាំងអស់ជាមហាគ្រួសារអាវុធហត្ថតែមួយទូទាំងប្រទេសដែលជួបទុក្ខលំបាកផ្សេងៗជាយថាហេតុ ។
ជាក់ស្តែង នៅរសៀលថ្ងៃទី២០ខែតុលាឆ្នាំ២០១៨ លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តព្រមទាំងមេបញ្ជាការរង នាយទាហាន-នាយទាហានរង និងពលទាហាននៃកងរាជអាវុធហត្ថខេត្តបន្ទាយមានជ័យជាច្រើនរូបបានរួមចំណែកលើការងារចាត់តាំង ពិធីការ និងចូលរួមក្នុងកម្មវិធីរំលែកមរណៈទុកុ្ខដ៏ក្រៀមក្រំរបស់ក្រុមគ្រួសារនៃសពលោកអនុសេនីយ៍ឯក ស៊ឹម ស៊ីវ មេបញ្ជាការរងមូលដ្ឋានកងរាជអាវុធហត្ថស្រុកអូរជ្រៅដែលបានទទួលមរណៈភាពកាលពីវេលម៉ោង១៧ និង ០០នាទី ថ្ងៃទី២០ ខែតុលា ឆ្នាំ២០១៨ ដោយរោគាពាធ ។
ព្រមទាំងបានលះបង់នូវពេលវេលាសម្ភារៈនិងថវិកាផ្ទាល់ខ្លួនដើម្បីរួមចំណែក និងរំលែកមរណៈទុក្ចដ៏ក្រៀមក្រំនេះ តាំងពីកិច្ចចាប់ផ្តើមដំណើរការកម្មពិធីបុណ្យគោរពវិញ្ញាណក្ខ័ន្ធនិងដង្ហែរសពឆ្ពោះទៅកាន់មេរុ ដែលជាទីឈាបនកិច្ចនៃសព និងដោយមានការចូលរួមដង្ហែរសពពីបណ្តាកងកម្លាំង និងស្ថាប័ននានាក្នុងក្រុងប៉ោយប៉ែតយ៉ាងច្រើនកុះករ ។
សកម្មភាពទាំងនេះ បានបញ្ជាក់អោយឃើញពីការសាមគី្គឯកភាពផ្ទៃក្នុងដ៏រឹងមាំមិនអាចកាត់ថ្លៃបានឡើយ ដោយទទួលបានមកវិញនូវការគាំទ្រ និងអបអរសាទរយ៉ាងកក់ក្តៅពីសំណាក់ក្រុមគ្រួសារនៃសព ក៏ដូចជាមហាជនជាច្រើនផងដែរ។
(ដោយខ្មែរអច្ឆរិយ:)