រតនគីរី ៖ ភ្ញៀវទេសចរណ៍ជាតិ និងអន្តរជាតិ ក៏ដូចជាប្រជាពលរដ្ឋដែលបានអញ្ចើញចូលមកលេងកំសាន្ដនៅតាមរមណីយដ្ឋាននានា ក្នុងខេត្តរតនគិរី នាឱកាសបុណ្យភ្ជុំបិណ្ឌរយះពេលបីថ្ងៃ មានចំនួនច្រើនកុះករ ហើយពួកគាត់បានសម្តែងនូវការសាទរយ៉ាងក្រៃលែងនឹងបានថ្លែងអំណរគុណ ចំពោះរាជរដ្ឋាភិបាលកម្ពុជា ដែលមានសម្តេចអគ្គមហាសេនាបតីតេជោហ៊ុន សែន ជាប្រមុខ រាជរដ្ឋាភិបាលបាននាំមកនូវសន្តិភាពជូនប្រទេសជាតិ ធ្វើឱ្យប្រទេសមានការអភិវឌ្ឍន៍រីកចំរើន លើគ្រប់វិស័យ ជាពិសេសប្រពន្ធ្គមនាគមបានតភ្ជាប់ខ្វាត់ខ្វែងពីខេត្តមួយទៅខេត្តមួយ ងាយស្រួលក្នុងការធ្វើដំណើរនិងសន្តិសុខមានគ្រប់ទីកន្លែងដែល។បានបង្ហាញដល់ភ្ញៀវទេសចរណ៍ជាតិ អន្តរជាតិ ឱ្យគេបានដឹងកាន់តែច្បាស់ពីកម្ពុជា ដែលជាប្រទេសមាន សុខសន្តិភាព ស្ថេរភាព និងការអភិវឌ្ឍន៍យ៉ាងពិតប្រាកដ។
លោក ង៉ែត ពិទូ ប្រធានមន្ទីរទេសចរណ៍ខេត្តរតនគិរី បានអោយខ្មែរអច្ឆរិយ:ដឹងថា ភ្ញៀងទេសចរណ៏ជាតិ អន្តរជាតិដែលអញ្ចើញចូលមកលេងកំសាន្ដនៅក្នុងខេត្តរតនគិរីនាឱកាសនៃពិធីបុណ្យភ្ជុំបិណ្ឌក្នុងថ្ងៃទីមួយ ( ០៨.១០.១៨ ) មានចំនួន៤,៧៣៤នាក់ កើនឡើង ១,៥% ក្នុងនោះភ្ញៀវទេសចរជាតិមានចំនួន ៤,៦៥២នាក់ កើន ១,៤% ភ្ញៀវអន្តរជាតិមានចំនួន ៨២នាក់ កើនឡើង ៥,១% ។ ថ្ងៃទី២ ( ០៩.១០.១៨ ) ភ្ញៀវទេសចរជាតិអន្តរជាតិ មកទស្សនាកំសាន្តក្នុងខេត្តរតនគិរីមានចំនួន ៩,៥១៦នាក់ កើនឡើង ៧២,៧៧% ក្នុងនោះភ្ញៀវទេសចរជាតិមានចំនួន ៩,៤១៨នាក់ កើនឡើង ៧៣,៨៣% ភ្ញៀវអន្តរជាតិមានចំនួន ៩៨នាក់ កើនឡើង ៨,៨៩% ។
ចំនែកថ្ងៃទី៣លោកថា នៅមិនទាន់បានដឹងតួរលេខនៅឡើយទេ ពីព្រោះតាមរមណីដ្ឋាននានា ក៏ដូចជាផ្ទះសំណាក់សណ្ឋាគារ មិនទាន់បានផ្តល់តួរលេខនៃចំនួនភ្ញៀវទេសចរណ៍មកកាន់មន្ទីរនៅឡើយ តែទោះជាយ៉ាងណាក៏លោកសំដែងនូវសុតិថិនិយមថា ចំនួនភ្ញៀវអាចនឹងកើនឡើងជាងឆ្នាំទៅ ។
លោក ង៉ែត ពិទូ បានបន្ដទៀតថា ពាក់ព័ន្ធនឹងម្ហូបអាហារតាមរមណីយដ្ឋាន សណ្ឋាគារ ផ្ទះសំណាក់ លោកបានចាត់អោយក្រុមការងាររបស់លោកចុះអប់រំណែនាំអំពីអនាម័យ និងជំរុញមិនអោយមានការតំឡើងថ្លៃទេនាឱកាសបុណ្យភ្ជុំបិណ្ឌរយះពេល៣ថ្ងៃឆ្នាំ២០១៨នោះទេ ។
ទោះជាយ៉ាងណាក៏នៅមានអ្នកបំរើសេវាម្ហូបអាហាសណ្ឋាគារផ្ទះសំណាក់មួយចំនួនបានតំឡើងថ្លៃលើសការកំណត់របស់មន្ទីរបន្ដិចបន្ដួចផងដែរ ហើយលោកបានសន្យាថា នៅឆ្នាំក្រោយមិនឱយមានបញ្ហានេះកើតមានឡើងទេ ៕
ដោយខ្មែរអច្ឆរិយ: