បាត់ដំបង ៖ កម្លាំង អធិការដ្ឋាននគរបាលស្រុកគាស់ក្រឡបង្ក្រាបតាំងល្បែងស៊ីសងប្រជល់មាន់មួយកន្លែងឃាត់ខ្លួនមនុស្សចំនួន២នាក់ និងមាន់៩ក្បាល។
លោក ឆាង វណ្ណឆៃ អធិការនគរបាលស្រុកគាស់ក្រឡ បានអោយដឹងថា ក្នុងកិច្ចប្រតិបត្តិការខាងលើនេះបានធ្វើឡើងនៅរសៀល ថ្ងៃទី២.ខែតុលា.ឆ្នាំ២០១៨ នៅចំណុចភូមិសំរោង ឃុំធិបតី ស្រុកគាស់ក្រឡ ខេត្តបាត់ដំបង។
លោកបន្តថា ក្នុងកិច្ចប្រតិបត្តិការជាក់ស្តែង សមត្ថកិច្ចជំនាញបង្ក្រាបឃាត់ខ្លួនអ្នកលេងល្បែងស៊ីសងបានចំនួន២នាក់ ដកហូតវត្ថុតាងមាន់ជល់៩ក្បាល សង្វៀន១ និងម៉ូតូចំនួន៧គ្រឿងផងដែរ។
ក្រុមអ្នកលេងល្បែងប្រជល់មាន់ទាំង២នាក់ក្រោយពីឃាត់ខ្លួន ត្រូវបានសមត្ថកិច្ច ធ្វើការអប់រំនិងធ្វើកិច្ចសន្យា រួចឲ្យវិលត្រឡប់ទៅសហគមន៍វិញរៀងៗខ្លួន ៕
ខ្មែរអច្ឆរិយ: