ខេត្តបន្ទាយមានជ័យ ៖ នៅថ្ងៃទី 28 ខែមិថុនា ឆ្នាំ 2018 នៅវេលាម៉ោង 19 និង 20 នាទី កម្លាំងការិយាល័យបទល្មើស គ្រឿងញៀនសហការជាមួយកម្លាំងមូលដ្ឋានកងរាជអាវុធហត្ថក្រុងប៉ោយប៉ែត ដឹកនាំដោយលោកវរសេនីយ៍ឯកសប៊ុនសឿន មេបញ្ជាការរងកងរាជអាវុធហត្ថខេត្តបន្ទាយមានជ័យ បានចុះប្រតិបត្តិការបង្ក្រាបកាលៃ ជួញដូរ ដោយខុសច្បាប់នូវសារធាតុញៀន និងឃាត់ខ្លួនជនសង្ស័យបានចំនួន 1 នាក់នៅចំណុចរង្វង់មូលប៉ោយប៉ែតស្ថិតនៅក្នុងភូមិក្បាលស្ពាន 1 សង្កាត់ប៉ោយប៉ែតក្រុងប៉ោយប៉ែត ។
លោក វរសេនីយ៍ ឯក សប៊ុនសឿង បានឲ្យដឹងថា ក្រោយទទួលបានព័ត៌មានពីបណ្ដាញ ផ្ដល់ឲ្យ លោកបានធ្វើជាប្ដីឬការជាមួយលោកឧត្តមសេនីយ៍ត្រី បោន បិន មេបញ្ជាការ កងរាជអាវុធហត្ថខេត្ត ដើម្បីស្នើសុំគោលការណ៍ និងដោយទទួលបានការ អនុញ្ញាត ពីលោកមាសច័ន្ទពិសិដ្ឋ្ ព្រះរាជអាជ្ញាអមសាលាដំបូងខេត្ត លោកបានដឹកនាំកម្លាំង និងសហការជាមួយកម្លាំងមូលដ្ឋាន កងរាជអាវុធហត្ថក្រុងប៉ោយប៉ែត ចុះប្រតិបត្តិការបង្ក្រាបករណី ខាងលើ រហូតឈានដល់ការឃាត់ខ្លួនជន សង្ស័យបានចំនួនមួយនាក់ ឈ្មោះអឹម ចយ(ហៅចិត្រ) ភេទប្រុសអាយុ ៤០ ឆ្នាំជនជាតិខ្មែរ មានមុខរបរមិនពិតប្រាកដ ។ បច្ចុប្បន្ន ស្នាក់នៅបណ្ដោះអាសន្នក្នុងបន្ទប់ជួល ស្ថិតនៅភូមិក្បាលស្ពាន 1 សង្កាត់ប៉ោយប៉ែតក្រុងប៉ោយប៉ែត ។ ហើយរឹបអូសបានវត្ថុតាង រួមមាន ៖
÷ គ្រឿងញៀនមេតំហ្វេតាមីនទឹកកក ចំនួន 2 ថង់ធំ៩៨៨.៦ ក្រាម-
… គ្រឿងញៀនមេតំហេ្វតាមីន (wy )ចំនួន៤.០៣៥គ្រាបនិង ទូរស័ព្ទដៃចំនួន 2 គ្រឿង ហើយកាបូបស្ពាយពណ៌ខ្មៅចំនួន 1 ។
លោកវរសេនីយ៍ឯក ស ប៊ុនសឿន បានបញ្ជាក់ថា ក្រោយពីធ្វើការសាកសួរនាំ ជនសង្ស័យខាងលើបានសារភាពថា ខ្លួនជាកម្មករអូសរេទះ នឹងបានទទួលបញ្ញើអីវ៉ាន់ ពីបុរសម្នាក់ ពីប្រទេសថៃ មិនស្គាល់អត្តសញ្ញាណ ទំនាក់ទំនងតាមរយៈទូរសព្ទ យកឆ្លងដែនចូលមកប្រទេសកម្ពុជា លុះចូលមកដល់ចំណុចរង្វង់មូលប៉ោយប៉ែត គាត់ត្រូវបានសមត្ថកិច្ច កងរាជអាវុធហត្ថ ឃាហ្វត់ខ្លួនតែម្តង .. ។
ផ្អែកលើចម្លើយសារភាពរបស់ជនសង្ស័យ និងធ្វើតេស្តលើសារធាតុញៀន អាចបញ្ជាក់ថា ជនសង្ស័យ ខាងលើ ពិតជាបានប្រព្រឹត្តបទល្មើស ជួញដូរ ខុសច្បាប់ នូវ សារធាតុញៀន ពិតមែន ។
កំលាំងជំនាញកងរាជអាវុធហត្ថខេត្តបន្តសំណុំរឿងបញ្ជូនជនសង្ស័យរួមជាមួយវត្ថុតាង ទៅទៅតុលាការ ដើម្បីចាត់ការ តាមនីតិវិធី ៕
