នៅវេលាម៉ោង២១:០០នាទីថ្ងៃទី៣០ ខែកញ្ញា ឆ្នាំ២០១៨ ដោយបានទទួលពាក្យបណ្ដឹផ្ទាល់មាត់ពីកុមារីរងគ្រោះឈ្មោះសុខ ចិន្ដា អាយុ១៤ឆ្នាំមានទីលំនៅភូមិអាលច ឃុំកន្តួត ស្រុកចិត្របុរី ខេត្តក្រចេះ។
លុះដល់វេលាម៉ោង២២:១៥នាទីថ្ងៃដដែលកំលាំងកងរាជអាវុធហត្ថស្រុកចិត្របុរីចំនួន០៣នាក់ រថយន្ត០១គ្រឿងដឹកនាំដោយលោកអនុសេនីយ៍ឯក មើម ម៉ារ៉ាត់ បានឃាត់ខ្លួនជនសង្ស័យឈ្មោះ សេ ហ៊ីម ភេទប្រុសអាយុ២៧ឆ្នាំមានទីលំនៅភូមិឃុំខាងលើដែលជាប់ពាក់ព័ន្ធករណីរំលោភសេពសន្ទវ:ទៅលើក្មេងស្រីនៅចំណុចក្រុមហ៊ុនដូទឺសាយហ្គន(ឌីធី)ក្នុងភូមិអាលច ឃុំកន្ទួត ស្រុកចិត្របុរី ខេត្តក្រចេះ។
លោកវរសេនីយ៍ត្រី អ៊ឹម ចិត្រា បានប្រាប់ឱយដឹងថាចំពោះករណីដែលជនសង្ស័យបានរំលោភទៅលើក្មេងស្រី រងគ្រោះបានសម្រេចចំនួន០៧ដងនេះមិនមែនក្នុងរយ:ពេលតែមួយថ្ងៃនោះទេ គឺជនសង្ស័យបានរំលោភជាច្រើនថ្ងៃខែកន្លងមកហើយឆ្លៀតឱកាសនៅពេលប្រពន្ធ និងម្ដាយក្មេកខ្លួនមិននៅផ្ទះដោយគំរាមក្មេងស្រីត្រូវជាប្អូនថ្លៃថា បើហ៊ានតែប្រាប់ឱយគេដឹងនោះគេនឹងសំលាប់ចោលតែលើកចុងក្រោយនេះថ្ងៃកើតហេតុខាងលើក្មេងស្រីទ្រាំលែងបានសំរេចចិត្តប្ដឹងមកសមត្ថកិច្ចអាវុធហត្ថស្រុក ដើម្បីជួយចាត់ការផង។
បច្ចុប្បន្ន ជនសង្ស័យត្រូវបានឃាត់ខ្លួនបណ្ដោះអាសន្នបញ្ជូនទៅកងរាជងាវុធហត្ថខេត្តដើម្បីចាត់ការតាមនីតិវិធី លុះមកដល់ថ្ងៃទី០២ ខែតុលា ឆ្នាំ២០១៨ កងរាជអាវុធហត្ថខេត្តបានកសាងសំណុំរឿងរួចរាល់បញ្ជូនទៅសាលាដំបូងខេត្តដើម្បីចាត់ការតាមច្បាប់ ៕
ដោយ ខ្មែរអច្ឆរិយៈ