ចេញផ្សាយថ្ងៃសុក្រទី១រោចខែបុស្សឆ្នាំថោះបញ្ចស័ក.២៥៦៧ត្រូវនឹងថ្ងៃទី ២៦មករា២០២៤
គួរឲសោកស្តាយណាស់ កូនដំរីព្រៃមួយក្បាល ត្រូវបានប្រជាជាពលរដ្ឋនៅស្រុកកោះញែក ប្រទះឃើញដេកស្លាប់កណ្តាលព្រៃ សង្ស័យការបាញ់ប្រហារដោយកាំភ្លើង សង្ឃឹមថាអាជ្ញាធរ និងសមត្ថកិច្ចពាក់ព័ន្ធ តាមស្វែងរកជនបង្កមកផ្តន្ទាទោសតាមច្បាប់!!
មណ្ឌលគិរី ៖កូនដំរីព្រៃមួយក្បាលត្រូវបានប្រជាជាពលរដ្ឋនៅស្រុកកោះញែក ប្រទះឃើញដេកងាប់កណ្តាលព្រៃសង្ស័យដោយសារមានការបាញ់ប្រហារដោយកាំភ្លើង។ នៅរសៀលថ្ងៃទី២៦ ខែមករា ឆ្នាំ២០២៤ ប្រជាពលរដ្ឋ នៅក្នុងស្រុកកោះញែក បានប្រាប់អង្គភាពអង្គភាពសារព័ត៌មានយេីងឲដឹងថា ពួកគាត់បានប្រទះឃើញកូនដំរីព្រៃមួយក្បាលដេកស្លាប់ក្នុងព្រៃត្រង់ចំណុចអូរថ្ម ភូមិក្តោយ ឃុំរយ៉ ស្រុកកោះញែក សង្ស័យងាប់ដោយសារត្រូវគ្រាប់កាំភ្លើង។
លោក ឆៅ ប៊ុនធឿន ប្រធានមន្ទីរបរិស្ថានខេត្តមណ្ឌលគិរី បានបញ្ជាក់ប្រាប់អង្គភាពសារព័ត៌មានយើង។ថា ពិតជាមានករណីបានកើតឡើងប្រាកដមែន លោកកំពុងចាត់ចែងឲ្យមន្រ្តីជំនាញធ្វើកោសល្យវិច័យហើយ។លោកបានបញ្ជាក់ថា កូនដំរីព្រៃដែលស្លាប់នោះប្រហែលមានអាយុ៦ខែប៉ុណ្ណោះ។
ពលរដ្ឋសង្ឃឹមថា សម្រាប់ករណីនេះអាជ្ញាធរ និងសមត្ថកិច្ចពាក់ព័ន្ធ និងបើកការស្រាវជ្រាវតាមចាប់ជនបង្ក មកផ្តន្ទាទោសតាមច្បាប់យ៉ាងតឹងរឹងជាទីបំផុត។
ធ្វើសេចក្តីរាយការណ៍ដោយអង្គភាពគេហទំព័រ”ខ្មែរអច្ឆរិយ:” http://khpress.net@-ការិយាល័យនិពន្ឋនាយកៈ០១២៥០៥៣៤៤/០១៥៧៧០២០៥