ចេញផ្សាយថ្ងៃអាទិត្យទី៦រោចខែកត្តិកឆ្នាំថោះបញ្ចស័ក.២៥៦៧ត្រូវនឹងថ្ងៃទី ៣ធ្នូឆ្នាំ២០២៣
ម៉ូតូជាង៣០គ្រឿងហោះចេញពីព្រំដែនថៃចូលមកកម្ពុជាតាមច្រករបៀងក្នុងស្រុកសំពៅលូន ខេត្តបាត់ដំបងសមិត្ថកិច្ចការពារព្រំដែននិងស្នងការរងប្រចាំទិសបដិសេធថាមិនដឹង
ខេត្តបាត់ដំបង ៖បើយោងតាមប្រភពព័ត៌មានក្នុងស្រុកបានចេញផ្សាយពាក់ព័ន្ធករណីមានម៉ូតូជាង ៣០ គ្រឿងបានផ្លោះចេញតាមច្រកល្បៀងស្ថិតក្នុងភូមិសាស្ត្រស្រុកសំពៅលូនរួចសើមៗនេះ ត្រូវបានលោកវរៈសេនីយ៍ឯកម៉ុង សុីមេបញ្ជាការវរសេនាតូចព្រំដែនគោក ៨១៧សំពៅលូន បានបដិសេធទាំងស្រុងថាមិនមានម៉ូតូទាំងនេះចេញតាមតំបន់កាន់កាប់របស់លោកនោះឡើយ។ចំណែកឯលោកអ៊ឹម កុសលស្នងការរងនិងជាអ្នកនាំពាក្យនៃស្នងការដ្ឋាននគរបាលខេត្តបាត់ដំបងលោកបានបញ្ជាក់ប្រាប់អ្នកសារព័ត៌មានថា តើការផ្សព្វផ្សាយព័ត៌មាននេះពិតឬយ៉ាងណានោះចាំលោកសើបអង្កេតសិន។
ក៏ប៉ុន្តែបើតាមប្រភពច្បាស់ការ បានបញ្ជាក់ប្រាប់ថា ម៉ូតូទាំង ៣០ គ្រឿងជាងនេះបានលោតចូលមកតាមច្រករបៀងមួយស្ថិតក្នុងភូមិសាស្ត្រ ភូមិតាស្ដារស្រុក សំពៅលូន ខេត្តបាត់ដំបង។
បើតាមពលរដ្ឋនិងមឆ្ចដ្ឋានមួយចំនួនដែលរស់នៅក្នុងស្រុកសំពៅលូនបានបង្ហើបឲ្យដឹងថា ម៉ូតូអត់ពន្ធទាំងអស់នេះចូលមកបានគឺមកពីមន្ត្រីចម្រុះគ្រប់ស្ថាប័នជំនាញពាក់ពន្ធ័បិទភ្នែកសហការគ្នាប្រមូលលុយចែកគ្នាដាក់ ហោប៉ាវរៀងៗខ្លួនហើយបានជាធ្វើមិនដឹងមិនឮបែបនេះនោះ។
ប្រជាពលរដ្ឋបានសំណូមពរដល់គណៈមេបញ្ជាការឯកភាពខេត្ត លោកស្នងការខេត្តបាត់ដំបងមេត្តាចុះពិនិត្យមើលសកម្មភាពកូនចៅដែរមានស្ថាប័នពាក់ព័ន្ធតាមព្រំដែនយកទៅដុះក្អែលចេញខ្លះផងកុំគិតតែពីរដើម្បីផលប្រយោជន៍បក្សពួកខ្លួនធ្វើឱ្យបាត់ពន្ធរដ្ឋនិងធ្វើបាបដល់ប្រជាពលរដ្ឋ។ដែលបានទិញម៉ូតូអត់ពន្ធទៅប្រើប្រាស់ខុសច្បាប់ទៀត។
អត្ថបទនិងរូបភាពដោយ៖ស៊ាង ហឿនធ្វើសេចក្តីរាយការណ៍ដោយអង្គភាពគេហទំព័រ”ខ្មែរអច្ឆរិយ:” http://khpress.net@-ការិយាល័យនិពន្ឋនាយកៈ០១២៥០៥៣៤៤/០៨៩៨៦១៨០៨