លោកវីរៈសេនីយ៍ឯកសៅ សារឿនអធិការ នគរបាលក្រុងប៉ោយប៉ែត បានដឹកនាំកងកំលាំងសើបអង្កេតបំបែកសុំណុំរឿងនិង ឃាត់ខ្លួន ជនសង្ស័យ ដែលបានសម្លាប់ប្រពន្ធកូននៅខេត្តកណ្តាល បានហើយ។
បន្ទាយមានជ័យ នៅថ្ងៃ៨រោចខែភទ្របទឆ្នាំថោះព.ស២៥៦៧ត្រូវនិងថ្ងៃសៅរ៍ទី០៧ខែតុលាឆ្នាំ២០២៣ ដោយទទួលបានមុខសញ្ញានិងអនុវត្តន៍តាមការណែនាំនិងបទបញ្ជាពីលោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ នៅថ្ងៃទី០៧ ខែតុលា ឆ្នាំ២០២៣នេះ កម្លាំងនគរបាលជំនាញផែនព្រហ្មទណ្ឌខេត្ត និង កម្លាំងអធិការដ្ឋាននគរបាលក្រុងប៉ោយប៉ែត បានឃាត់ខ្លួន ជនសង្ស័យដែលបានសម្លាប់ប្រពន្ធកូននៅខេត្តកណ្តាលបានហើយ កាលពីវេលាម៉ោង១:៤០នាទីរសៀលនេះ។
ជនសង្ស័យមានឈ្មោះ ម៉ែន សំអាង ភេទប្រុស អាយុ៣៦ឆ្នាំ ថ្ងៃខែឆ្នាំកំណេីត១៤-០៧-១៩៨៣ ត្រូវនគរបាលឃាត់ខ្លួន នៅចំនុចភូមិមិត្តភាព សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ពាក់ពន្ធ័ករណីឃាតកម្មនៅថ្ងៃទី០៧ ខែតុលា ឆ្នាំ២០២៣នៅខេត្តកណ្តាល។ដែលបានសម្លាប់ប្រពន្ធឈ្មោះ ឃឿន ស្រីវលក្ខ័ណ អាយុ៣២ឆ្នាំ និងកូនស្រីឈ្មោះ អឿន ចន្ទសីម៉ា អាយុ២ឆ្នាំ។
បច្ចុប្បន្នជនសង្ស័យកំពុងស្ថិតក្នុងការសួនាំ ដើម្បីកសាងសំណុំរឿងបញ្ជូនទៅស្នងការដ្ឋាននគរបាលខេត្តកណ្តាល បន្តនិតីវិធីបញ្ជូនទៅតុលាការចាត់ការតាមច្បាប់។
សូមរំលឹកផងថា រាល់មុខសញ្ញានិងបទល្មើសមិនថាថាតូចឬធំដែលមានបំណងរត់គេចមកពីគ្រប់ទិសទីមកសម្ងំនៅទឹកដីក្រុងប៉ោយប៉ែត ខេត្តបន្ទាយ ពុំសូវគេចរួចផុតពីសមិត្ថកិច្ចក្រុងប៉ោយប៉ែតម្តងសោះឡើយ។ពលរដ្ឋបានសារទរនិងកោតសរសើរដល់សមិត្ថកិចជំនាញទាំងថ្នាក់ក្រុងនិងខេត្តដែតែងតែមានវិធានការទាន់ពេលវេលា៕
អត្តបទនិងរូបភាពដោយ៖ស៊ាងហឿន
ធ្វើសេចក្តីរាយការណ៍ដោយអង្គភាពគេហទំព័រ”ខ្មែរអច្ឆរយ:” http://khpress.net@-ការិយាល័យនិពន្ឋនាយកៈ០១២៥០៥៣៤៤/០៨៩៨៦១៨០៨
