ចេញផ្សាយថ្ងៃសុក្រទី៩កើតខែស្រាពណ៍ឆ្នាំថោះបញ្ចស័ក.២៥៦៧ត្រូវនឹងថ្ងៃទី ២៥សីហា ឆ្នាំ២០២៣។
គោទាំងហ្វូងដើរដង្ហែនិងទាំងរថយន្តព្រមទាំងទំនិញនាំចូលមកកម្ពុជាតាមច្រកអូរបីជាន់យ៉ាងគគ្រឹក គគ្រេងគេចពន្ធអត់មានមន្ត្រីជំនាញទប់ស្កាត់
ខេត្តបន្ទាយមានជ័យ : នៅថ្ងៃ០៨កើតខែស្រាពណ៍ឆ្នាំថោះព.ស២៥៦៧ត្រូវថ្ងៃ២៤ខែ សីហា ឆ្នាំ ២០២៣ គោកាត់ធំៗទាំងហ្វូងៗ ត្រូវបានគេជួលពលរដ្ឋខ្មែរទាំងក្មេងចាស់ដឹកនឹងដេញចេញពីទឹកដីថៃ តាមច្រករបៀង ក្នុងឃុំអូរបីជាន់ ស្រុកអូរជ្រៅ ខណៈទំនិញជាច្រើនមុខ ក៏ត្រូវបានឈ្មួញនាំចូលពីថៃ សង្ស័យតាមច្រករបៀងក្នុងឃុំស្រុកខាងលើ។ហ្វូងគោដែលគេនាំចូលពីថៃទាំងនេះ សុតតែគោកាត់ធំៗទាំងហ្វូងៗ គួរឲ្យកត់សម្គាល់ហើយ ខណៈទំនិញជាច្រើមុខក៏ត្រូវបានឈ្មួញនាំចូលពីថៃ សង្ស័យតាមច្រករបៀងក្នុងឃុំស្រុកខាងលើដូចគ្នា ។
ហ្វូងគោដែលគេនាំចូលពីថៃទាំងនេះ សុទ្ធតែមានលក្ខណៈសម្គាល់ដូចជាសរសេរលេខលើខ្នងនិងលាបថ្នាំពណ៌ស្នែង ឬក្បាល និងបំពាក់ជ័រ និងត្រចៀកជាដើម ។ ហ្វូងគោទាំងនេះ ត្រូវបានគេដេញឬដឹកកាត់ព្រៃ និងវាលស្រែម្តុំជិតបង្គោលសីម៉ាព្រំដែនលេខ៤៣ ។ ពេលដល់ផ្លូវជាតិលេខ៥៨លើទឹកដីខ្មែរ ក្នុងភូមិសាស្ត្រខាងលើហ្វូងគោ ដើរព្រោងព្រាតពេញដងផ្លូវ ពេលខ្លះរំខានដល់ការបើកបរយានយន្តរបស់អ្នកស្រុកទៀតផង។ ពេលបានសាកសួរផ្ទាល់នៅចំណុចនោះទៅ ក្មេងប្រុសតូច២នាក់និយាយថា ដឹកពូកគាត់ដឹកនិងដេញគោឲ្យគេម្តងបានឈ្នួល៣ម៉ឺនរៀល ។ ចំណែកមនុស្សចាស់ៗ ខ្លះមិនហ៊ាននិយាយស្តីអ្វីឡើយ។ ចំពោះទំនិញវិញគេឃើញឈ្មួញបានដឹកពេញៗរថយន្តដោយគ្របជិតៗក្រោយចេញពីតាមច្រករបៀង ក្នុងស្រុកអូរជ្រៅ។
ជុំវិញករណីខាងលើនេះ ចំពោះរឿងឈ្មួញនាំគោទាំងហ្វូងៗពីថៃ លោក អ៊ុន ចាន់មេបញ្ជារការប្រចាំច្រកអូរបីជាន់បានប្រាប់ថាគោមានច្បាប់។ចំណែកលោកហ៊ុយ ទូច ប្រធានការិយាល័យផលិតកម្ម និងបសុព្យាបាលនៃមន្ទីរកសិកម្មខេត្តប្រាប់តាមទូរស័ព្ទថា ជាគោមានច្បាប់គឺនាំចូលដោយក្រុមហ៊ុនចំនួន៣រួមមានក្រុមហ៊ុនអង្គរមានជ័យក្រុមហ៊ុនផាត់រស្មីនឹងក្រុមហ៊ុនយុវពាណិជ្ជ។ លោកបន្តថា គោទាំងនេះចូល១ថ្ងៃចាប់ពី៤០ទៅ៤៥ក្បាល និងជួនកាលដឹក២ទៅ៣រថយន្តតាមតម្រូវការ។តែទោះបីជាគោមានច្បាប់យ៉ាងណានោះដឹកចេញរាល់ថ្ងៃតែមន្ត្រីពេទ្យសត្វមិនបានចុះពិនិត្យហើយបញ្ជាក់ពីសុខភាពឬសត្វគោទាំងនោះមានជំងឺឬអត់នៅឡើយទេ៕
អត្តបទនិងរូបភាពដោយៈស៊ាងហឿន
ធ្វើសេចក្តីរាយការណ៍ដោយអង្គភាពគេហទំព័រ”ខ្មែរអច្ឆរយ:” http://khpress.net@-ការិយាល័យនិពន្ឋនាយកៈ០១២៥០៥៣៤៤/០៨៩៨៦១៨០៨