ខេត្តមណ្ឌលគិរី ៖ ឯកឧត្ដម ឧត្ដមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី បានអញ្ជើញជាអធិបតី ក្នុងពិធីប្រកាសផ្ទេរភារកិច្ច តែងតាំងមុខដំណែង និងតំឡើងឋានន្តរស័ក្កិមន្ត្រីនគរបាល នៃស្នងការដ្ឋាននគរបាលខេត្តមណ្ឌលគិរី។
ដោយមានការចូលរួមពីលោកស្នងការរងនគរបាលខេត្ត អធិការក្រុង/ស្រុក មេបញ្ជាការវរៈការពារព្រំដែន និងមន្ត្រីនគរបាលជាច្រើនរូប នៅស្នងការដ្ឋាននគរបាលខេត្ត នាព្រឹកថ្ងៃទី០១ ខែតុលា ឆ្នាំ២០១៨។
ឯកឧត្ដមឧត្ដមសេនីយ៍ទោ ឡោ សុខាបានមានប្រសាសនិងផ្ដែរផ្ដាំទៅកាន់កងកំលាំងទាំងអស់ថា ត្រូវខិតខំយកចិត្តទុកដាក់បំរើប្រជាពលរដ្ឋឱយអស់ពីកំលាំងចិត្ត កំលាំងកាយ និងបង្ក្រាបឲ្យយបានទាន់ពេលវេលានៅពេលមានបទល្មើសកើតឡើងដែលពួកគាត់បានផ្ដល់ព័ត៌មានមកយេីង។
លោកបានបន្តទៀតថា ជាពិសេសបងប្អូនកងកំលាំងដែលត្រូវបានតែងតាំងថ្មី ទើបតំឡើងឋានន្តរស័ក្តិនាពេលនេះដែលថ្នាក់លើបានប្រគល់ជូនត្រូវតែសហការណ៍ឱយបានល្អជាមួយមន្ត្រីគ្រប់ស្ថាប័ននាៗព្រមទាំងកងកំលាំងប្រដាប់អាវុធទាំងអស់នៅក្នុងខេត្ត ដើម្បីធ្វើការបំរើផលប្រយោជន៍ប្រទេសជាតិនិងប្រជាពលរដ្ឋឱយបានល្អប្រសើរ ៕
ដោយ ខ្មែរអច្ឆរិយ:
