ចេញផ្សាយថ្ងៃសៅរ៍ទី៣កើតខែពិសាខឆ្នាំថោះបញ្ចស័ក.២៥៦៧ត្រូវនឹងថ្ងៃទី ២២មេសា ឆ្នាំ២០២៣
ពលរដ្ឋខ្មែរប្រុស ស្រី ចំនួន ៣៩នាក់ បម្រុងលួចឆ្លងដែនដោយខុសច្បាប់ ទៅប្រទេសថៃត្រូវបានឃាត់ខ្លួន
ខេត្តបន្ទាយមានជ័យ ៖កាលពីររសៀលថ្ងៃសុក្រ ២កើត ខែពិសាខ ឆ្នាំថោះ បញ្ចស័ក ព.ស២៥៦៦ ត្រូវនិងថ្ងៃទី២១ ខែមេសា ឆ្នាំ២០២៣ នៅវេលាម៉ោង១៤នឹង៤៥នាទី កម្លាំងវរ:ព្រំដែនគោក៨១៥ធ្វើការឃាត់ខ្លួនពលរដ្ឋខ្មែរប្រុស ស្រីបានចំនួន៣៩នាក់មានចាស់មានក្មេងបម្រុងលួចឆ្លងដែនទៅប្រទេសថៃក្នុងភូមិសាស្ត្រស្រុកម៉ាឡៃ។
ដោយអនុវត្តន៍ យ៉ាងម៉ឹងម៉ាត់តាមបទបញ្ជា លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ ក្រោមការដឹកនាំបញ្ជាដោយផ្ទាល់របស់ លោកវរសេនីយ៍ឯក សួង សៅ មេបញ្ជាការវរសេនាតូចនគរបាលការពារព្រំដែនគោកលេខ៨១៥
និងកម្លាំងប៉ុស្តិ៍ស្ពានម៉ាឡៃចំនួន ០៦នាក់ ដឹកនាំដោយលោកវរសេនីយ៍ត្រី ពៅ រតនា នាយប៉ុស្តិ៍នគរបាលការពារព្រំដែនគោកស្ពានម៉ាឡៃនៃវរៈសេនាតូចលេខ៨១៥ សហការជាមួយកម្លាំងយោធា វរៈ៥១៣ចំនួន ០២នាក់ បានទប់ស្កាត់ប្រជាពលរដ្ឋចំនួន ៣៩នាក់ (ស្រី១៨នាក់ កុមារ០២នាក់) បម្រុងលួចឆ្លងដែនខុសច្បាប់ទៅប្រទេសថៃ ត្រង់ចំណុចគោលដៅដំបូកវិល ស្ថិតក្នុងភូមិដំបូកវិល ឃុំម៉ាឡៃ ស្រុកម៉ាឡៃ ខេត្ដបន្ទាយមានជ័យ។
លោកវរសេនីយ៍ត្រី ពៅ រតនា នាយប៉ុស្តិ៍នគរបាលការពារព្រំដែនគោកស្ពានម៉ាឡៃនៃវរៈសេនាតូចលេខ៨១៥ បានបញ្ជាក់ថា>ប្រជាពលរដ្ឋដែលឃាត់បានមានទីលំនៅក្នុងខេត្ដចំនួន ០៦គឺមានដូចខាងក្រោម៖
១.តាកែវ ០៤នាក់
២.កំពង់ធំ ១៧នាក់
៣.បាត់ដំបង ១១នាក់
៤.បន្ទាយមានជ័យ ០៥នាក់
៥.ពោធិ៍សាត់ ០១នាក់
៦.ប៉ៃលិន ០១នាក់
លោកវរសេនីយ៍ត្រី ពៅ រតនា នាយប៉ុស្តិ៍នគរបាលការពារព្រំដែនគោកស្ពានម៉ាឡៃនៃវរៈសេនាតូចលេខ៨១៥ បានឱ្យដឹងថា បន្ទាប់ពីធ្វើការសួរនាំ និងធ្វើកិច្ចសន្យារួច បានប្រគល់ពួកគាត់ជូនផ្នែកជំនាញរបស់អធិការដ្ឋាននគរបាលស្រុកម៉ាឡៃ ដើម្បីអនុវត្តបន្ដទៅតាមនិតិវិធី៕
អត្តបទដោយ:ស៊ាង ហឿន
@ធ្វើសេចក្តីរាយការណ៍ដោយអង្គភាពគេហទំព័រ”ខ្មែរអច្ឆរយ:” http://khpress.net@-ការិយាល័យនិពន្ឋនាយកៈ០១២៥០៥៣៤៤/០៨៩៨៦១៨០៨