ចេញផ្សាយថ្ងៃសៅរ៍ទី១០រោចខែចេត្រឆ្នាំថោះបញ្ចស័ក.២៥៦៧ត្រូវនឹងថ្ងៃទី ១៥មេសា ឆ្នាំ២០២៣!
បង្រ្កាបករណីដាំកញ្ឆាខុសច្បាប់ទ្រង់ទ្រាយធំក្នុងភូមិមេប៉ៃ ឃុំពូជ្រៃ ស្រុកពេជ្រាដា ខេត្តមណ្ឌលគិរី ឃាត់ខ្លួនជនជាតិវៀតណាម២នាក់!!
មណ្ឌលគិរី : យ៉ាងហោចណាស់បុរសជាជនជាតិ វៀតណាម២នាក់ត្រូវបានឃាត់ខ្លួនពាក់ព័ន្ធករណីដាំកញ្ឆាខុសច្បាប់ កាលពីរសៀលថ្ងៃ១៤ មេសា ម្សិល មិញ ។ ចំណែកកញ្ឆាប្រមាណ៥ម៉ឺនដើម ត្រូវបានដកបំផ្លាញកាលពីព្រឹកថ្ងៃទី១៥ មេសា នេះ នៅក្នុង ភូមិមេប៉ៃ ឃុំពូជ្រៃ ស្រុកពេជ្រាដា ខេត្តមណ្ឌលគិរី ។
តាមចម្លើយសារភាពថា ពួកគេគ្រាន់តែជាកម្មកដាំ និងថែរក្សា ឱ្យថៅកែរបស់ពួកគេតែប៉ុណ្ណោះ ។ ចំណែកថៅកែបានរត់គេចខ្លួនភ្លាមៗអំឡុងការបង្ក្រាបនោះ។ តាមប្រភពថា ផ្ទៃដីដាំកញ្ឆានេះជាកម្មសិទ្ធិរបស់លោក ម៉ៅ ធនារក្ស អតីតប្រធានមន្ទីរសាធារណការខេត្ត មណ្ឌលគិរី ។
លោក ម៉ៅ ធនារក្ស មិនទាន់អាចទាក់ទងសុំការបំភ្លឺបាននៅឡើយទេ។ បើទោះបីជាយើងបានព្យាយាមទូរសព្ទទៅជាច្រើនលើកក្ដី ៕
@ធ្វើសេចក្តីរាយការណ៍ដោយអង្គភាពគេហទំព័រ”ខ្មែរអច្ឆរយ:” http://khpress.net@-ការិយាល័យនិពន្ឋនាយកៈ០១២៥០៥៣៤៤/០៨៩៨៦១៨០៨
