ខេត្តសៀមរាប ៖ ភាពមិនប្រក្រតីនេះ ត្រូវបានប្រជាពលរដ្ឋ ក៍ដូចអាជ្ញាធរមូលដ្ឋាន នឹងម្ចាស់រថយន្ត ធ្វើអាជីវកម្មតូចតាច ដឹកអីវ៉ាន់តាមផ្លូវជាតិលេខ៦ សម្រាប់ដោះស្រាយ ជីវភាពគ្រួសារ បានសម្ដែងការមិនពេញចិត្ត ទៅលើមន្ត្រីខិលខូច មួយចំនួន ប្រចាំស្ថានីយ៍ជញ្ជីងថ្លឹងរថយន្ត តាមបណ្ដោយផ្លូវជាតិលេខ៦ ស្ថិតក្នុងភូមិអូរចិញៀន ឃុំរលួសកើត ស្រុកប្រាសទបាគង ខេត្តសៀមរាប ដោយធ្វើការរិះគន់ យ៉ាងខ្លាំងៗថា លោក គឹម ប៊ុនណា ប្រធានស្ថានីយ៍ ជញ្ជីងថ្លឹងរថយន្ត ជាអ្នកបើកដៃ ឲ្យមន្ត្រីក្រោមឱវាទ ជំរិតយកលុយ ពីក្រុមឈ្មួញតូចតាច។
ប្រភពពីក្រុមប្រជាពលរដ្ឋ រកស៊ីដឹកទំនិញទាំងនោះ បានបន្តឲ្យដឹងថា ទោះរថយន្តពួកគាត់ ដឹកត្រឹមត្រូវ តាមច្បាប់ក៍ដោយ ក៍ជៀសមិនផុត ពីការបង់លុយ ទៅឲ្យក្រុមមន្ត្រី ក្រោមការគ្រប់គ្រង របស់លោកគឹម ប៊ុនណា ប្រធានស្ថានីយ៍ ជញ្ជីងថ្លឹងលុយនេះដែរ?។ រីឯចំណែករថយន្ត របស់មេឈ្មួញធំៗ មានលុយ មានអំណាច ដឹកស្ទើស្រុតអស់ផ្លូវស្ពាន ក៍មន្ត្រីទាំងនោះ មិនដែលហ៊ានបើកភ្នែកមើលទេ។
ពាក់ព័ន្ធភាពមិនប្រក្រតី កើតមានអំពើពុករលួយ នៅស្ថានីយ៍ ជញ្ជីងថ្លឹងរថយន្ត ខាងលើនេះ មហាជនជាច្រើន ទាំងរស់នៅ ស្រុកប្រាសាទបាគង នឹងអ្នកធ្វើដំណើរតាមផ្លូវជាតិលេខ៦ ពីសៀមរាប ទៅកំពង់ធំ ពីកំពង់ធំ មកសៀមរាប បានឃើញសកម្មភាព មិនប្រក្រតី របស់មន្ត្រី ១ក្រុមតូច ប្រចាំការ នៅស្ថានីយ៍ ជញ្ជីងថ្លឹង រថយន្ត នឹងឃើញភាពអសកម្ម របស់មន្ត្រី ក្រោមការដឹកនាំ លោក គឹម ប៊ុនណា ហើយបាន ធ្វើការ រិះគន់ ថា៖ ជាកន្លែងស្ថានី ជញ្ជីងថ្លឹងលុយ នឹងដាក់រហស្សនាម ឲ្យលោក គង់ បុណាថា៖ ជាប្រធានជញ្ជីង មុខលុយ គិតតែពីផលប្រយោជន៍ សង្គមគ្រួសាររបស់ខ្លួន នឹងក្រុមបក្ខពួករបស់ខ្លួន តែប៉ុណ្ណោះ។
ជាងនេះទៅទៀត មហាជន បាននាំគ្នារិះគន់ថា បុគ្គលិត លោកគឹម ប៊ុនណា របស់ខ្លួនជាមន្ត្រី ក្នុងក្របខ័ណ្ឌរដ្ឋ ស៊ីប្រាក់ខែរដ្ឋ មិនខំអនុវត្តន៍ ទៅតាមតួរនាទីខ្លួនឯងទេ បែរជានាំគ្នាខំប្រឹងរកលុយ តាមរបៀបពុករលួយ ដោយច្របាច់ករ ប្រជាពលរដ្ឋ អាជីវករតូចតាច យកលុយដាក់ហោប៉ៅ ចែកគ្នា ធ្វើមានធ្វើបានទៅវិញ?។ ប្រភពពីអ្នកធ្លាប់រកស៊ី ដឹកទំនិញ បានប្រាប់ឲ្យបណ្ដាញព័ត៌មាន យើង បានដឹងថា៖ ប្រសិនបើ ជារថយន្តរបស់ ឈ្មួញធំៗ មានលុយមានអំណាចវិញ ទោះរថយន្តទាំងនោះ ដឹកអាច៌ដី ដឹកខ្សាច់ ដឹកថ្ម ធ្វើអាជីវកម្ម ពេញហៀរហូរ ខុសលខណៈបច្ចេកទេស នៃស្តង់ដារ ច្បាប់កំណត់ នឹងដឹកទំនិញលើសទម្ងន់ រាប់រយតោន ក៍គេមិនដែលឃើញ រថយន្តទាំងនោះ ចូលថ្លឹងសោះ ឃើញតែរត់ចូលបង់លុយ ហើយរត់ឡើងឡើងឡានវិញ ហើយដំណើការ ទៅបានយ៉ាងរលូន ទាំងនេះ បានសបញ្ជាក់ ឲ្យឃើញថា ជាកន្លែងស្ថានីយ៍ ជញ្ជីងថ្លឹងលុយពិតៗ មិនមែនកន្លែងស្ថានីយ៍ ជញ្ជីងថ្លឹងរថយន្តទេ។
ដោយឡែកប្រភព ពីមជ្ឈដ្ឋាននានា បានរិះគន់ខ្លាំៗថា ដោយសារតែ មានការធូរលុង ឬអាចមានការ បើកដៃ លោក ស៊ុន ចាន់ថុល រដ្ឋមន្ត្រីក្រសួងសាធារណការ នឹងដឹកជញ្ជូន នឹងលោក គឹម ប៊ុនណា ប្រធានមន្ទីរសាធារណការ នឹងដឹកជញ្ជូន ខេត្តសៀមរាប ថ្លឹងរថយន្តខាងលើនេះ ហ៊ានប្រព្រិត្តអំពើ ពុករលួយ យ៉ាងចំហរ ដោយគ្មានញញើត នូវចំណាត់ការ របស់អង្គភាព ប្រឆាំងអំពើរពុករលួយ ដែលមាន ឯកឧត្តមបណ្ឌិត ឱម យិនទៀង ជាប្រធានអង្គភាព បន្តិចណាសោះ។
គួរបញ្ជាក់ផងដែរថា៖ ក្រោយពីមានសេចក្ដីរាយការណ៍ ពីអ្នកសារព័ត៌មាន យើង បានចុះទៅ យកព័ត៌មាន ដល់ទីតាំង ស្ថានីយ៍ជញ្ជីងថ្លឹងរថយន្តខាងលើ កាលពីថ្ងៃទី០១ ខែមករា ឆ្នាំ២០១៨ បានឃើញទង្វើ មិនប្រក្រតីជាច្រើន នឹងឃើញភាពអសកម្ម របស់មន្ត្រីស្ថានីយ៍ ជញ្ជីងថ្លឹងរថយន្ត យ៉ាងច្បាស់ នូវអំពីអំពីេរពុករលួយ របស់ពួកគេ ដោយគ្មានញញើតសោះនោះ ។
ហើយភ្លាមៗនោះ អ្នកព័ត៌មានយើង ធ្វើបទសម្ភាសន៍ នៅនិងកន្លែង បែរជាមន្ត្រី ស្ថានីយ៍ជញ្ចីងថ្លឹង រថយន្ត មកគំរាបកំហែងមកលើអ្នកព័ត៌មាន ទៀតផង ពាក់ព័ន្ធបញ្ហា ជុំវិញបញ្ហា មិនអាចសុំការបំភ្លឺ ពីលោក គឹម ប៊ុនណា បានទេដោយមិនមានលេខទូរស័ព្ទ សំរាប់ទំនាក់ទំនង ។
ទង្វេីពុករលួយ ដល់ខួរឆ្អឹងបែបនេះ មហាជនជាច្រើន ធ្វើការស្នើសុំឲ្យឯកឧត្ដ ស៊ុន ចាន់ថុល រដ្ផមន្ត្រី ក្រសួងសាធារណៈការណ៍ និងដឹកជញ្ជូន ទើបឡើងថ្មី មេត្តាពិនិត្យ ទៅលើក្រុមមន្ត្រី ស្ថានីយ៍ជញ្ជីងថ្លឹង រថយន្តខាងលើ ដូចជាបុគ្គលិត លោកគឹម ប៊ុនណា សូមបញ្ជាក់ថាក្រុមជញ្ចីងនេះប្រហែលទៅហ្នឹងកុងត្រូលជជុះទៅហើយ បានន័យថាមិនដែលឃើញថ្លឹងទេយកតែលុយ ចង់ផ្លូវថ្នល់ខួចម៉េចខួចទៅ សំដាក់យកលុយ ប្រជាពលរដ្ធពិតជាមិនយល់ ទេ។