ចេញផ្សាយថ្ងៃព្រហស្បតិ៍ទី៩កើតខែចេត្រឆ្នាំខាលចត្វាស័ក.២៥៦៦ត្រូវនឹងថ្ងៃទី ៣០មិនាឆ្នាំ២០២៣!
ខេត្តកំពង់ស្ពឺ៖
នាព្រឹកថ្ងៃពុធ ៨កើត ខែចេត្រ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី ២៩ ខែមីនា ឆ្នាំ២០២៣ សហព័ន្ធឧស្សាហកម្មយានយន្តកម្ពុជា បានអញ្ជើញចូលរួមក្នុងពិធីសម្ភោធផ្លូវការនូវរោងចក្រដំឡើងរថយន្ត ISUZU របស់ក្រុមហ៊ុន K (Cambodia)., LTD ក្រោមអធិបតីភាព ឯកឧត្តម សុខ ចិន្តាសោភា រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គលេខាធិការក្រុមប្រឹក្សាអភិវឌ្ឍន៍កម្ពុជា ដោយមានការចូលរួមពីតំណាងអភិបាលខេត្តកំពង់ស្ពឺ តំណាងស្ថាប័នរដ្ឋ ក្រុមហ៊ុនឯកជន ភ្ញៀវជាតិ និងអន្តរជាតិ ប្រមាណជាង ២០០ នាក់។
សូមជម្រាបផងដែរថា គម្រោងវិនិយោគបង្កើតរោងចក្រផ្គុំដំឡើងរថយន្ត ISUZU របស់ក្រុមហ៊ុន K (Cambodia)., LTD ដែលមានទុនវិនិយោគប្រមាណ ៧.៣ លានដុល្លារសហរដ្ឋអាមេរិក ត្រូវបានក្រុមប្រឹក្សាអភិវឌ្ឍន៍កម្ពុជាអនុញ្ញាតឱ្យក្រុមហ៊ុនវិនិយោគកាលពីខែកុម្ភៈ ឆ្នាំ២០២២ កន្លងមក ដែលមានទីតាំងស្ថិតនៅនៅក្នុងស្រុកសំរោងទង ខេត្តកំពង់ស្ពឺ ហើយរោងចក្រនេះ អាចបង្កើតការងារដល់ពលរដ្ឋប្រមាណ ១៦៦ កន្លែងផងដែរ ។
#សហព័ន្ធឧស្សាហកម្មយានយន្តកម្ពុជា
www.cambodia-automotive.org
@ធ្វើសេចក្តីរាយការណ៍ដោយអង្គភាពគេហទំព័រ”ខ្មែរអច្ឆរយ:” http://khpress.net
@-ការិយាល័យនិពន្ឋនាយក
០១២៥០៥៣៤៤/០៧៧៥៥៥១៤១