ចេញផ្សាយថ្ងៃទី២កើតខែចេត្រឆ្នាំខាលចត្វាស័ក.២៥៦៦ត្រូវនឹងថ្ងៃទី ២៣មិនាឆ្នាំ២០២៣!
ភ្នំពេញ៖ លោក ឃ្លាំង ហួត អភិបាលរង រាជធានីភ្នំពេញ បានដឹកនាំមន្ត្រីជំនាញនៃមន្ទីររៀបចំដែនដី នគរូបនីយកម្ម សំណង់ និងសុរិយោដី រាជធានីភ្នំពេញ សហការជាមួយអាជ្ញាធរខណ្ឌជ្រោយចង្វារ និងសង្កាត់កោះដាច់ ចុះត្រួតពិនិត្យករណីចាក់ដីចូលទន្លេស្ថាបនាច្រាំងខុសច្បាប់ បំពានទៅលើដីច្រាំងទន្លេមេគង្គ ដែលជាដីសាធារណៈរបស់រដ្ឋ ស្ថិតនៅក្នុងភូមិរនះ សង្កាត់កោះដាច់ ខណ្ឌជ្រោយចង្វារ នាថ្ងៃទី២៣ ខែមីនា ឆ្នាំ២០២៣ វេលាម៉ោង ៨:៣០ នាទីព្រឹក។
ករណីការស្ថាបនាច្រាំងខុសច្បាប់ខាងលេីនេះ មន្ទីររៀបចំដែនដី នគរូបនីយកម្ម សំណង់ និងសុរិយោដី រាជធានីភ្នំពេញ បានបញ្ជាក់ថា បន្ទាប់ពីបានធ្វើការវាស់វែងផ្ទៀងផ្ទាត់ប័ណ្ណសំគាល់សិទ្ធិកាន់កាប់អចលនវត្ថុលេខៈភព៧៣៧២៧ ឃេីញថាដីកម្មសិទ្ធិមានទំហំ ៨៣៣៨ម៉ែត្រក្រឡា ហេីយការកាន់កាប់របស់ឈ្មោះ ឡាន ពីវិន លើសពី ដីក្នុងប័ណ្ណទំហំ១២៦៥២ម៉ែត្រក្រឡា និងបានចាក់ដីចូលជ្រៅទៅក្នុងទន្លេទំហំ១១២៤៦ម៉ែត្រក្រឡា។
សូមបញ្ជាក់ថាការចាក់ដីចូលទន្លេស្ថាបនាច្រាំងខុសច្បាប់ខាងលើនេះគឺម្ចាស់ដីទទួលបានលិខិតអនុញ្ញាតពីរដ្ឋបាលរាជធានីភ្នំពេញ ហេីយមិនបានសហការជាមួយអាជ្ញាធរដែនដី និងមន្ទីរជំនាញនោះទេ ។
ក្នុងករណីនេះ ខ្ញុំបានណែនាំដូចខាងក្រោម៖
-តម្រូវឱ្យម្ចាស់ដីដែលបានចាក់ដីចូលទន្លេដេីម្បីសាងសង់ច្រាំងបំពានខាងលេី ត្រូវបញ្ឈប់ជាបន្ទាន់ បេីពុំនោះទេ នឹងចាត់វិធានការតាមផ្លូវច្បាប់យ៉ាងមុឺងម៉ាត់បំផុត
-ណែនាំឱ្យម្ចាស់ដីខាងលេីគ្រប់គ្រង និងស្នេីសុំសាងសង់អ្វីមួយតែលេីដីកម្មសិទ្ធិរបស់ខ្លួនដែលមានទំហំ ៨៣៣៨.៥២ម៉ែត្រក្រឡា
-ចំណែកដីទំហំ ១២៦៥២ ម៉ែត្រក្រឡាដែលជាដីច្រាំងដុះ និងដីដែលបានចាក់ដីចូលជ្រៅទៅទន្លេខុសច្បាប់ទំហំ ១១២៤៦ម៉ែត្រក្រឡា ត្រូវទុកជាសម្បត្តិរដ្ឋដេីម្បីបម្រេីជាប្រយោជន៍សាធារណៈ ករណីជនទាំងឡាយណាចង់ប្រេីប្រាស់ដីនេះ លុះត្រាតែស្នេីសុំទៅរាជរដ្ឋាភិបាលកម្ពុជាជាមុនសិន។
@ធ្វើសេចក្តីរាយការណ៍ដោយអង្គភាពគេហទំព័រ”ខ្មែរអច្ឆរយ:” http://khpress.net
@-ការិយាល័យនិពន្ឋនាយក
០១២៥០៥៣៤៤/០៧៧៥៥៥១៤១