ពត៌មានពីក្រុងប៉ោយប៉ែត ខេត្តបន្ទាយមានជ័យ
ចេញផ្សាយថ្ងៃ៥រោច ផល្គុន ឆ្នាំខាល ចត្វាស័ក ព.ស២៥៦៦
ប៉ូលិសអន្តោប្រវេសន៍ប៉ុស្តិ៍ច្រកទ្វារអន្តរជាតិប៉ោយប៉ែត បានធ្វើការចាប់បញ្ជូនជនជាតិថៃពីប្រទេសកម្ពុជា ចំនួន១៩នាក់ ស្រី០៧នាក់ ទៅប្រទេសដើមវិញ
ខេត្តបន្ទាយមានជ័យ៖ ថ្ងៃសៅរ៍ ទី១១ ខែមិនា ឆ្នាំ២០២៣នេះ នៅវេលាម៉ោង១២:១៥នាទី មន្ត្រីនគរបាលអន្តោប្រវេសន៍ប៉ុស្តិ៍ច្រកទ្វារអន្តរជាតិប៉ោយប៉ែត បានធ្វើការប្រគល់ និងបញ្ជូនចេញពីប្រទេសកម្ពុជា នូវជនជាតិថៃចំនួន១៩នាក់ ស្រី០៧នាក់ពាក់ព័ន្ធដោយបានលួចចូលមកស្នាក់នៅធ្វើការងារ ដោយខុសច្បាប់ នៅកម្ពុជាត្រូវបានការិយាល័យអនុវត្ត នីតិវិធី និងគ្រប់គ្រងកន្លែងត្រៀមបណ្ដេញចេញ ដឹកនាំដោយលោកវរ:សេនីយ៍ត្រី វ៉ែន ចាន់តារ៉ាវុធ ឋានៈ នាយផ្នែក ការិយាល័យអនុវត្តនីតិវិធី និងគ្រប់គ្រងកន្លែងត្រៀមបណ្ដេញចេញ បានចុះស្រាវជ្រាវរកឃើញ។
លោកឧត្តមសេនីយ៍ទោ ប្រធាននាយកដ្ឋានច្រកទ្វារទី១ ជនជាតិថៃខាងលើ នគរបាលប៉ុស្តិ៍ច្រកទ្វារអន្តរជាតិប៉ោយប៉ែត បានប្រគល់ជូនលោកស្រីអនុសេនីយ៍ឯក JARUDA THONPRANG នាយរងផ្នែក នគរបាលអន្តោប្រវេសន៍ច្រកទ្វារព្រំដែន អន្តរជាតិ ខ្លងលឹក ស្រុកអរញ្ញប្រាថេត ខេត្តស្រះកែវ ប្រទេសថៃ ជាប់ព្រំដែនជាមួយក្រុងប៉ោយប៉ែត ខេត្តបន្ធាយមានជ័យ។
សូមបញ្ជាក់ផងដែថា ជនជាតិថៃដែលមករស់នៅកម្ពុជាខុសច្បាប់ទាំងនេះត្រូវបានចាប់បញ្ជូនទៅប្រទេសខ្លួនវិញ ក៏ប៉ុន្តែហាក់ដូចជាពុំដែលមានសំណួនិងបានចំលើយណាមួយដែលបញ្ជាក់ថា ជនជាតិថៃទាំងនោះបានចូលមកស្រុកខ្មែរតាមច្រកណាតំបន់ណាពីសមិត្ថកិច្ចអន្តោប្រវេសន៍កម្ពុជាម្តងឡើយនោះទេ!!!
@ អត្ថបទដោយៈ សាង ហឿន
@ ធ្វើ សេចក្ដីរាយការណ៍ ដោយ អង្គភាពគេហទំព័រ “ខ្មែរអច្ឆរិយ:”
http://www.khpress.net)
@- ការិយាល័យ និពន្ធ នាយក ០១២៥០៥៣៤៤/០៧៧៥៥៥១៤១