ចេញផ្សាយថ្ងៃទី ១៧ ខែកញ្ញា ឆ្នាំ២០១៨
ខេត្តរតនគិរី-ស្រុកអូរយ៉ាដាវ ៖ នាព្រឹកថ្ងៃទី ១៧ ខែកញ្ញាឆ្នាំ ២០១៨ ឯកឧត្តម ប៊ូ ឡាំ តំណាងរាស្ត្រខេត្តរតនគិរី និងលោកជំទាវបានអញ្ជើញចុះពិនិត្យផ្សារស្រុកអូរយ៉ាដាវ ដែលបច្ចុប្បន្នកំពុងដំណើរការសាងសង់បានប្រមាណ ៨០%ហើយនាពេលបច្ចុប្បន្ននេះ។
ឯកឧត្តម តំណាងរាស្ត្រក៏បានជំរុញឱយជ្ញាធរស្រុកអូរយ៉ាដាវត្រូវណែនាំបងប្អូនអាជីវករដែលលក់ដូរតាមចិញ្ចើមផ្លូវជាតិលេខ៧៨ ក្នុងចំណុចទីរួមស្រុកអោយទៅលក់ដូរនៅក្នុងផ្យារវិញ នៅពេលដែលផ្យារសាងសង់រួច១០០% ពីព្រោះថាការលក់ដូរលើចិញ្ចើមផ្លូវសាធារណៈ ធ្វើអោយប៉ះពាល់ដល់អ្នកធ្វើដំណើរតាមដងផ្លូវក៏ដូចធ្វើឲ្យប៉ះពាល់ ដល់បរិស្ថានក្នុងទីប្រជុំជនស្រុកផងដែរ ពិសេសជៀសវៀងនូវការបង្កគ្រោះថ្នាក់ជាយថាហេតុប៉ះពាល់ដល់អាយុជីវិតបងប្អូនប្រជាពលរដ្ឋយេីង។
បន្ទាប់មក ឯកឧត្តម តំណាងរាស្ត្រ ក៏បានអញ្ជើញចុះពិនិត្យមណ្ឌលសុខភាពអូរយ៉ាដាវ ហើយ
ឯកឧត្តមក៏បានសន្យាជួយ អណ្ដូងទឹក បុក១ដល់មណ្ឌលសុខភាពខាងលើផងដែរ ដើម្បីធានាដល់ការប្រើប្រាស់ទឹកឱយបានគ្រប់គ្រាន់ដល់បងប្អូនដែលមកសំរាកព្យាបាលនៅក្នុងមណ្ឌលសុខភាព ៕
ដោយ ខ្មែរអច្ឆរិយ: