ពីខេត្តស្ទឹងត្រែង 
#ចោរប្លន់កាបូបយកលុយពីស្ត្រីម្នាក់អស់ជាង២លានរៀល
សឹ្ទងត្រែង:សមត្ថកិច្ចនគរបាលកំពុងតាមចាប់ខ្លួនចោរមួយក្រុមដែលបានប្លន់យកកាបូបលុយពីស្ត្រីម្នាក់អស់ចំនួន២លាន៥០មុឺនរៀលទាំងកណ្តាលថ្ងៃនៅតាមផ្លូវជាតិលេខ៧ក្នុងភូមិសាស្ត្រភូមិគីឡូ៨សង្កាត់សាមគ្គីក្រុងស្ទឹងត្រែងខេត្តស្ទឹងត្រែងកាលពីរសៀលថ្ងៃទី២៦ខែមករាឆ្នាំ២០២៣។
ស្រ្តីដែលត្រូវចោរឆក់កាបូបឈ្មោះ លឹម សុភា រស់នៅចំណុចព្រៃចាស់ ស្ថិតនៅភូមិគីឡូម៉ែត្រលេខ៨ សង្កាត់សាមគ្គី ក្រុងសឹ្ទងត្រែងបានរៀបរាប់ថានាងខ្ញុំបានជិះម៉ូតូឌុបកូនពីរនាក់ ដើរលក់ខោអាវតាមភូមិកោះខនឌិន រួចនាងខ្ញុំបានខ្ចីលុយគេបាន២ លាន៥០សិបម៉ឺនរៀលដើម្បីយកទៅដោះសងធនាគារ។ ចៃដន្យអាក្រក់ពេលជិះម៉ូតូតាមបណ្តោយផ្លូវជាតិលេខ៧ មកដល់ពាក់កណ្តាលផ្លូវ នៅចំណុចគីឡូម៉ែត្រលេខ១៤ ស្ថិតនៅភូមិខាងលើនោះ ក៏លេចមុខក្រុមចោរប្លន់ជិះម៉ូតូតាមពីក្រោយពាក់មួកសវត្ថិភាពបិទម៉ាសជិត មានគ្នា៣នាក់បានឆក់កាបូបបណ្តាលឲ្យគាត់ដួលទាំងម៉ែទាំងកូនយកលុយអស់ចំនួន២លាន៥០ម៉ឺនរៀល។
ស្រ្តីដដែលបានបន្តទៀតថា នៅពេលយកលុយហើយវាដោះកាបូបអោយបូបវិញ ហើយបម្រុងយកម៉ូតូថែមទៀត តែចៃដន្យមានរថយន្ត និងម៉ូតូប្រជាពលរដ្ឋមកដល់ភ្លាមនោះ ក្រុមចោរប្លន់ទាំងនោះឡើងជិះម៉ូតូរត់គេចខ្លួនបាត់។
លោកអ៊ុងសុភ័ក្រនាយប៉ុស្តិ៍នគរបាលសង្កាត់សាមគ្គីបានប្រាប់ឲ្យដឹងថាបន្ទាប់ពីទទួលព័ត៌មានខាងលើលោកបានចាត់មន្ត្រីសហការជាមួយប្រជាការពារភូមិចុះទៅស្រាវជ្រាវនៅកន្លែងកើតហេតុ។ចំណែកជនរងគ្រោះបានមកដាក់ពាក្យបណ្ដឹងនៅប៉ុស្តិ៍នគរបាល។រហូតមកដល់ពេលនេះរកមិនទាន់ឃើញមុខសញ្ញាក្រុមចោរនោះនៅឡើយទេ៕
