(បន្ទាយមានជ័យ ) នៅព្រឹកថ្ងៃទី០៤ ខែសីហា ឆ្នាំ២០២២ នេះ ឯកឧត្តម នាយឧត្តមសេនីយ៍ ប៉ែន វិបុល អគ្គស្នងការរង និងជាប្រធាននាយកដ្ឋានបុគ្គលិក បានអញ្ជើញជាអធិបតីក្នុងប្រារព្ធពិធី ប្រកាសផ្ទេរភារកិច្ច តែងតាំងមុខតំណែង និងបំពាក់ឋានន្តរសក្តិ ជូនមន្ត្រីនគរបាលជាតិនៃស្នងការដ្ឋាននគរបាលខេត្តបន្ទាយមានជ័យ ដោយមានការចូលរួមពីឯកឧត្តមអ៊ុរាត្រីអភិបាលនៃគណៈអភិបាលខេត្តបន្ទាយមានជ័យលោកឧត្តមសេនីយ៍ទោសិទ្ធ ឡោះស្នងការនគរបាលខេត្តបន្ទាយមានជ័យព្រមទាំងមានមន្ត្រីពាក់ព័ន្ធឆ្លងខេត្តបន្ទាយមានជ័យបានចូលរួមជាធិបតីនាឱកាសនោះផងដែរ។
ពិធីនេះត្រូវបានប្រារព្ធធ្វើឡើងនៅ សាលប្រជុំសាលាខេត្តបន្ទាយមានជ័យ មន្ត្រីនគរបាលដែលត្រូវ ប្រកាសផ្ទេរភារកិច្ច តែងតាំងមុខតំណែង និងបំពាក់ឋានន្តរសក្កិ រួមមាន ស្នងការង ០៧រូប នាយការិយាល័យ ០៦រូប អធិការ០១រូប ប្រកាសសរុប៨២ វរសេនីយ៍ទោ៦១រូប វរសេនីយ៍ត្រី៧៣រូប អនុសេនីយ៍ឯក២រូប។
ក្រោយពីបញ្ចប់ ពិធីប្រកាសតែងតាំងមុខតំណែង និងបំពាក់ឋានន្តរសក្តិ គណៈអធិបតីបានអញ្ជើញទៅស្នងការដ្ឋាននគរបាលខេត្តបន្ទាយមានជ័យ ដើម្បីកាត់ខ្សែរបូរណ៍សម្ភោធដាក់ឲ្យប្រើប្រាស់ អាគារបណ្ណាល័យ ១ខ្នង និងសមិទ្ធផលនានាជាច្រើនដែលទើបកសាងរួច ក្នុងអំឡុងពេលលោកឧត្តមសេនីយ៍ទោ សិទ្ធិ ឡោះ កាន់តំណែងជាស្នងការ បានរួមចំណែកក្នុងការអភិវឌ្ឍនាពេលកន្លងមកថ្មីៗនេះ៕