ខេត្តមណ្ឌលគិរី ៖ មេខ្លោងជួញដូរថ្នាំញៀនម្នាក់ និងអ្នកប្រើប្រាស់ ០៩នាក់ផ្សេងទៀត ត្រូវបាននគរបាលខេត្តមណ្ឌលគិរី ចាប់បង្ក្រាប នាថ្ងៃទី១០-១១ កក្កដា ២០២២ នៅភូមិសាស្ត្រក្រុងសែនមនោរម្យ និងស្រុកអូររាំង ដោយរឹបអូសបានវត្ថុតាងជាច្រើន ។
លោកឧត្តមសេនីយ៍ត្រី ស៊ុម សោភ័ណ្ឌ ស្នងការរងនគរបាលខេត្តមណ្ឌលគិរី បានឲ្យដឹងថា ដោយមានបទបញ្ជាពីលោកឧត្តមសេនីយ៍ទោ ឡោ សុខា ស្នងការនគរបាលខេត្ត ក្នុងការបង្ការនិងបង្ក្រាបនៅរាល់បទល្មើសគ្រឿងញៀនទូទាំងខេត្តមណ្ឌលគិរី សមត្ថកិច្ចជំនាញការិយាល័យប្រឆាំងគ្រឿងញៀន បានសហការជាមួយកម្លាំងក្រុងសែនមនោរម្យ និងស្រុកអូររាំង នៅវេលាម៉ោង២០និង១០នាទី ថ្ងៃទី១០ កក្កដា បានបង្ក្រាបករណីជួញដូរ រក្សាទុក ដោយខុសច្បាប់នូវសារធាតុញៀនមួយកន្លែងនៅផ្ទះរបស់ឈ្មោះ សាំង ឈី ភេទប្រុស អាយុ២៤ឆ្នាំ ជនជាតិខ្មែរ មុខរបរមិនពិតប្រាកដា ស្ថិតនៅភូមិពូត្រែង ឃុំដាក់ដាំ ស្រុកអូររាំង ខេត្តមណ្ឌលគិរី។
លោកស្នងការរងបន្តថា ក្រោយឃាត់ខ្លួនជនសង្ស័យខាងលើ រហូតដល់ថ្ងៃទី១១ ខែកក្កដា ឆ្នាំ២០២២ វេលាម៉ោង០៩និង០០នាទីព្រឹក កម្លាំងសមត្ថកិច្ចបន្តឃាត់ខ្លួនជនសង្ស័យពាក់ព័ន្ធបទល្មើសគ្រឿងញៀនជាបន្តបន្ទាប់ ចំនួន០៩នាក់បន្ថែម ៖ ១.ឈ្មោះ កែវ រ៉ាម៉ន ភេទប្រុស អាយុ២៦ឆ្នាំ ជនជាតិខ្មែរ មុខរបរកសិករ មានទីលំនៅភូមិដោះក្រមុំ សង្កត់សុខដុម ក្រុងសែនមនោរម្យ ។ ២.ឈ្មោះ ផេង ផាន់យុទ្ធ ហៅខ្ចិប ភេទប្រុស អាយុ២៥ឆ្នាំ ជនជាតិខ្មែរ មុខរបរមិនពិតប្រាក មានទីលំនៅភូមិពូតាំង សង្កត់រមនា ក្រុងសែនមនោរម្យ ។ ៣.ឈ្មោះ ហៀង សុផាន់ ភេទប្រុស អាយុ២៤ឆ្នាំ ជនជាតិខ្មែរ មុខរបរកម្មករ ។ ៤.ឈ្មោះ អាន ម៉ាប់ ភេទប្រុស អាយុ២៣ឆ្នាំ ជនជាតិខ្មែរ មុខរបរកម្មករ ។ ៥.ឈ្មោះ ទឺម ណយ ភេទប្រុស អាយុ២៣ឆ្នាំ ជនជាតិខ្មែរ មុខរបរកម្មករ ទាំងបីនាក់នេះមានទីលំនៅភូមិឆ្នាប់ ឃុំអំបិលក្រៅ ស្រុកស៊ីធរកណ្ដាល ខេត្តព្រៃវែង ។ ៦.ឈ្មោះ ឃី រស្មី ភេទប្រុស អាយុ៣៨ឆ្នាំ ជនជាតិខ្មែរ មុខរបរកសិករ មានទីលំនៅភូមិព្រែកចង្ក្រាន ឃុំល្វា ស្រុកកោះសូទិន ខេត្តកំពង់ចាម ។ ៧.ឈ្មោះ ឆាង តុល ភេទប្រុស អាយុ៣៥ឆ្នាំ ជនជាតិខ្មែរ មុខរបរកម្មករ មានទីលំនៅភូមិត្រពាំងរាំង ឃុំមេមត់ ស្រុកមេមត់ ខេត្តត្បូងឃ្មុំ ។ ៨.ឈ្មោះ ប៉ុច ទូ ភេទប្រុស អាយុ២២ឆ្នាំ ជនជាតិខ្មែរ មុខរបរកសិករ មានទីលំនៅភូមិអូស្ពាន សង្កាត់ស្ពានមានជ័យ ក្រុងសែនមនោរម្យ។ ៩.ឈ្មោះ អ៊ិន វិចិត្រ ភេទប្រុស អាយុ៣៥ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិឡៅកា សង្កាត់សុខដុម ក្រុងសែនមនោរម្យ ។
ករណីខាងសមត្ថកិច្ចដកហូតសំភារៈវត្ថុតាងរួមមាន ៖ សារធាតុសង្ស័យជាសារធាតុញៀនមានសណ្ឋានជាក្រាមពណ៌ស ថ្លា ចំនួន ០២ កញ្ចប់ធំល្មម (ទម្ងន់ ៤,២៥ ក្រាម សាច់ថ្នាំសុទ្ធ )។ រថយន្ត ចំនួន ០២គ្រឿង 1. ម៉ាក Toyota Camry ស៊េរីឆ្នាំ 1997 ពណ៌ប្រផេះ ពាក់ផ្លាកលេខ ត្បូងឃ្មុំ 2A-0272 2.រថយន្ត ០១គ្រឿង ម៉ាក NISSAN ពណ៌ប្រផះ ពាក់ផ្លាកលេខ ភ្នំពេញ 2B-0331 ។ ទូរសព្ទ ដៃ៦គ្រឿង។ ប្រាក់រៀលចំនួន ៣លានរៀល ។ ប័ណ្ណសម្គាល់យានយន្តចំនួន១សន្លឹក។ កាបូបដាក់ថ្នាំញៀន ចំនួន០១។ ថង់សំរាប់វេចខ្ចប់ថ្នាំញៀនមួយចំនួន។ ម៉ូតូកង់បី ០១គ្រឿង ម៉ាក PIAGGIO APE CITY ពណ៌ស ពាក់ផ្លាកលេខ ភ្នំពេញ 1HP-3735. ។
ករណីនេះត្រូវបានកម្លាំងសមត្ថកិច្ចជំនាញ កំពុងកសាងសំណុំរឿងនិងបញ្ជូនខ្លួនទៅតុលាកាចាត់ការទៅតាមនីតិវិធីច្បាប់៕
