សព្វថ្ងៃនេះ ការីករាលដាលទៅលើល្បែងស៊ីសងនៅក្រុងប៉ោយប៉ែត ជាពិសេសសង្វៀនជល់មាន់ថ្មីៗនេះកំពុងតែមានសភាព គក្រឹងគគ្រេងខ្លាំងណាស់ ជាក់ស្តែងទីតាំងមួយកន្លែង ដែលត្រូវបានគេស្គាល់ថា ជារបស់ឧកញ៉ាម្នាក់នៅពីក្រោយខ្នង ជ្រកក្រោមស្លាកកាស៊ីណូឆៃណាថោនថ្មី កំពុងបើកឲមានដំណើរការនាំមាន់ជល់ មកពីគ្រប់ទីកន្លែងចូលមកជល់ភ្នាល់រាម់មុឺនដុល្លា១ថ្ងៃៗ ហើយមានរថយន្តទំនើបៗរាប់រយគ្រឿងមកជួបជុំប្រមូលផ្តុំគ្នានៅឆាយណាថោនថ្មីសិ្ថតក្នុងភូមិទួលពង្រ សង្កាត់អូរឬស្សី ក្រុងប៉ោយប៉ែត ជាប់និងផ្លូវជាតិ៥៨ដោយពុំមានសមិត្ថកិច្ចពាក់ពន្ធ័ក្នុងក្រុងប៉ោយប៉ែត ណាហ៊ានទៅបង្ក្រាបឡើយ ។
មជ្ឈដ្ឋានជាច្រើនបានដាក់ការសង្ស័យថា សមិត្ថកិច្ចនិងអាជ្ញាធរគ្រប់ថ្នាក់រៀបគ្នាជាប្រពន្ធ័ទៅទទួលយកតុងពីម្ចាស់សង្វៀនហើយបានមិនអនុវត្តន៍ច្បាប់។
ការបើកឲមានល្បែងស៊ីសង់បែបនេះនៅក្នុងដែនសមិត្ថកិច្ចដែខ្លួនទទួលខុសត្រូវ កំពុងតែផ្គើននិងបទបញ្ជារបស់នាយឧត្តមសេនីយ៍អគ្គស្នងការនគរបាលជាតិឯកឧត្តមសន្តិបណ្ឌិតនេត សាវឿន ថ្មីៗលោកបានមានប្រសាសន៍និងចេញបទបញ្ជាកន្លងមក ហាមមិនឲ្យមានល្បែងស៊ីសង នៅតាមគ្រប់២៤ខេត្តក្រុង នៃព្រះរាជាណាចក្រកម្ពុជា ដែលេងខុសច្បាប់ តែដោយឡែកសមត្ថកិច្ចនិងអាជ្ញាធរក្រុងប៉ោយប៉ែត ក៏ដូចជាខេត្តបន្ទាយមានជ័យ កំពុងតែអវត្ដន៍ ផ្ទុយដោយចាត់ទុកប្រសាសន៍របស់ ថ្នាក់ដឹកនាំ ជាត្រដោក ដើម្បីកំដរក្របីឬគោសុីស្មៅហើយ បានជាមិនអនុវត្តតាមច្បាប់។
ប្រជាពលរដ្ឋស្នើសុំដល់ ឯកឧត្តមអ៊ុ រាត្រីគណៈមេបញ្ជាការឯកភាព ខេត្តបន្ទាយមានជ័យ លោកសិទ្ធ ឡោះស្នងការខេត្ត លោកបោន ប៊ិនមេបញ្ជាការកងរាជអាវុធហត្ថ ខេត្តបន្ទាយមានជ័យមេត្តាចាត់វិធានការផងទាន ពីព្រោះមួយរយះកាលនេះក្នុងក្រុងប៉ោយប៉ែតទាំងមូលពុំមាន សុខសុវិត្ថភាពនោះទេមានការកើនឡើងនូវចោរ លួច ឆក់ កាប់ប្លន់យកម៉ូតូ ជាច្រើនករណីណាស់ បានកំពុងធ្វើឲពលរដ្ឋបាត់ភាពកក់ក្តៅស្ទើរអស់ជំនឿលើកងកម្លាំង និងអាជ្ញាធរក្រុងទាំងមូលតែម្តង ព្រោះតែមានល្បែងសុីសងច្រើនមិនថា តែសង្វៀនជល់មាន់ប៉ុណ្ណុះនោះទេគឺមានគ្រប់ប្រភេទនិងក្លាយជាក្រុងល្បែងស៊ីសងខុសច្បាប់ទៅហើយ ៕
