ព្រឹកថ្ងៃអង្គារ ៧រោច ខែជេស្ឋ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី២១ ខែមិថុនា ឆ្នាំ២០២២
នៅសាលប្រជុំសាលាស្រុកអូររាំងបានប្រជុំកិច្ចប្រជុំអឌ្ឍមាសទី២ គណ:អភិបាលស្រុកអូររាំង និងដាក់ទិសដៅខែកក្កដា ឆ្នាំ២០២២! ក្រោមអធិបតីភាពលោក សៀក មុន្នី អភិបាល នៃគណ:អភិបាលស្រុកអូររាំង។
ដោយមានការអញ្ជើញចូលរួមពីសំណាក់លោក លោកស្រី អភិបាលរងលោក នាយករដ្ឋបាលលោក លោកស្រី ប្រធានអនុប្រធានការិយាល័យគ្រប់ជំនាញ លោក លោកស្រី ជាកងកម្លាំងទាំងបី លោក លោកស្រីមេឃុំ ស្មៀន។
ក្នុងកម្មវិធីប្រជុំនាថ្ងៃនេះមានរៀបជា០៦វារ:ដូចខាងក្រោម ៖
– ចុះវត្តមាន និងពិនិត្យសមាសសភាពចូលរួម
– មតិស្វាគមន៍ និងបើកកិច្ចប្រជុំ
– ពិនិត្យ និងកែសម្រួលរបាយការណ៍ប្រចាំខែមិថុនា និងរបាយការណ៍ឆមាសទី១ឆ្នាំ២០២២
– សម្រាកអាហារសម្រន់
– បញ្ហាផ្សេងៗ
– មតិបូកសរុបលទ្ធផល
និងបិទអង្គប្រជុំ ។
ជាកិច្ចចាប់ផ្តើមកម្មវិធីលោកអភិបាលបានធ្វើភារវ:កិច្ចស្វាគមន៍ដល់វត្តមានអស់លោក លោកស្រីបានចូលរួមថ្ងៃនេះនិងសូមបើកកម្មវិធី និងសូមអោយមន្ត្រីទាំងអស់មេត្តាពិនិត្យកែសម្រួលរបាយការណ៍។
ជាកិច្ចបន្ត លោក អភិបាលរង លោកនាយក នាយករងរដ្ឋបាល បានឡើងមានមតិកែសម្រួលលើរបាយការណ៍។
ជាកិច្ចបញ្ចប់ លោកអភិបាល ស្នើអោយតាមបណ្ដាការិយាល័យជំនាញត្រូវបញ្ជូនរបាយការណ៍អោយបានទៀងទាត់ទាន់ពេលវេលាកំណត់មកខាងអ្នកធ្វើរបាយការណ៍ បើយើងខំធ្វើជាស្នាដៃ បើមិនមានរបាយការណ៍ស្មើនឹងអត់របាយការណ៍អស់លោកគួរគិតបញ្ហានេះ ពិសេសយើងត្រូវចេះច្បិចរបាយការណ៍អោយបានខ្លីមានន័យ ខ្លី ខ្លឹម ខ្លាំង៕
