ខេត្តមណ្ឌលគិរី ៖ យើងខ្ញុំជាថ្នាក់ដឹកនាំ និងមន្ត្រីរាជការ ព្រមទាំងមន្ត្រីឧទ្យានុរក្សទាំងអស់នៃមន្ទីរបរិស្ថានខេត្តមណ្ឌលគិរី សូមសម្ដែងនូវអំណរសាទរយ៉ាងក្លៀវក្លា និងស្មោះអស់ពីដួងចិត្តជូនចំពោះ ឯកឧត្ដម សាយ សំអាល់ ក្នុងឱកាសដែល ឯកឧត្ដម ត្រូវបានសម័យប្រជុំរដ្ឋសភាលើកទី១ នីតិកាលទី៦ កាលពីថ្ងៃទី០៥ ខែកញ្ញា ឆ្នាំ២០១៨ បានផ្ដល់សេចក្តីទុកចិត្តចំពោះសមាសភាពរាជរដ្ឋាភិបាល ហើយត្រូវបាន ព្រះករុណា ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ទ្រង់ប្រោសព្រះរាជទានត្រាស់បង្គាប់តែងតាំង ឯកឧត្ដម ជា រដ្ឋមន្ត្រីក្រសួងបរិស្ថាន។
ព្រឹទ្ធសមាជិកសភាដែលបានបោះឆ្នោតផ្ដល់សេចក្ដីទុកចិត្ត និងការត្រាស់បង្គាប់តែងតាំង ឯកឧត្ដម ឲ្យបន្តដឹកនាំក្រសួងបរិស្ថាន គឺសបញ្ជាក់អំពីការទទួលស្គាល់នូវគុណវុឌ្ឍិ បទពិសោធន៍ ស្នាដៃ សមត្ថភាពប្រកប ដោយសក្ដានុពល និងកិច្ចខិតខំប្រឹងប្រែងអស់ពីកម្លាំងកាយ កម្លាំងចិត្ត បញ្ញា និងស្មារតីរបស់ ឯកឧត្ដម បានដឹកនាំវិស័យបរិស្ថានរួមមាន ការធ្វើទំនើបកម្មស្ថាប័ន កិច្ចគាំពារបរិស្ថាន ការអភិរក្សជីវៈចម្រុះ និងការរស់នៅដោយ ចីរភាព ដែលបានរួមចំណែកពុះពាររាល់ឧបសគ្គ ក្នុងបុព្វហេតុបម្រើឧត្ដមប្រយោជន៍ជាតិ និងប្រជាជនឲ្យទទួលបាននូវសុខសន្តិភាព ស្ថិរភាព ការបង្រួបបង្រួមជាតិ និងការអភិវឌ្ឍប្រទេសជាតិឲ្យកាន់តែរីកចម្រើនជឿនលឿន ក្រោមការដឹកនាំដ៏ត្រឹមត្រូវប្រកបដោយគតិបណ្ឌិតរបស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានធ្វើឲ្យព្រះរាជាណាចក្រកម្ពុជាទទួលបាននូវកិត្តិនាម និងកិត្តិសព្ទល្បីល្បាញទាំងក្នុងតំបន់ និងពិភពលោក។
ឆ្លៀតក្នុងឱកាសដ៏ឧត្ដុងឧត្តមនេះ យើងខ្ញុំសូមឧទ្ទិសបួងសួងដល់វត្ថុស័ក្តិសិទ្ធិក្នុងលោក ទេវតារក្សាទឹកដីព្រះរាជាណាចក្រកម្ពុជា គុណព្រះរតន ត្រ័យកែវទាំងបី សូមតាមជួយថែរក្សាអភិបាល ប្រោះព្រំ សព្ទសាធុការពរជ័យជូនចំពោះ ឯកឧត្ដមរដ្ឋមន្ត្រី និង លោកជំទាវ ព្រមទាំងបុត្រីជាទីស្រឡាញ់ សូមប្រកបដោយពុទ្ធពរទាំងបួនប្រការ គឺអាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ ៕
ខ្មែរអច្ឆរិយ: