ថ្ងៃព្រហស្បតិ៍ ២រោច ខែជេស្ឋ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១៦ ខែមិថុនា ឆ្នាំ២០២២! ដោយបានទទួលដំណឹងថា ពលរដ្ឋក្នុងមូលដ្ឋានជួបការលំបាកភ្លាម លោកអភិបាលបានដឹកនាំក្រុមការងារចុះសួរសុខទុក្ខភ្លាមជាក់ស្ដែងស្ត្រីមេម៉ាយ ដែលកំពុងជួបការលំបាក ស្ថិតនៅភូមិពូត្រែង ឃុំដាក់ដាំ ស្រុកអូររាំង ខេត្តមណ្ឌលគិរី មានកូនក្នុងបន្ទុកចំនួន៣នាក់ សុទ្ធតែប្រុស ស្ត្រីមេម៉ាយមានឈ្មោះលី ចាន់ស៊ីម៉ា ប្ដីស្លាប់ចោលជាយូរឆ្នាំហើយ ដែលបច្ចុប្បន្ននេះ ពុំមានផ្ទះសម្រាប់ស្នាក់នៅដោយស្នាក់នៅផ្ទះបងថ្លៃ និងជំពាក់បំណុលធនាគារផង។
ដោយឃើញការលំបាកបែបនេះលោកបានជួយដោះស្រាយការសិក្សារៀនសូត្រជូនដល់កូនរបស់គាត់ ហើយចំពោះបងស្រីបានជួយដោះស្រាយកន្លែងស្នាក់នៅបណ្តោះអាសន្ន ក្នុងសាលាឃុំដាក់ដាំដោយសន្យាសាងសង់ផ្ទះធ្វើពីដែកទំហំ4ម×6មនាពេលខាងមុខនេះ និងបានជួយឧបត្ថម្ភថវិកាចំនួន៧៥.០០០០៛ដើម្បីជួយសំរាលក្នុងជីវភាពគ្រួសារ។
បន្ទាប់មកលោកបានជួបសំណេះសំណាលជាមួយក្រុមប្រឹក្សាឃុំដាក់ដាំអំពីកាលបរិច្ឆេទថ្ងៃជប់លាងលទ្ធផលជ័យជំនះការបោះឆ្នោតកន្លងមក!
បន្ទាប់មកលោកបានដឹកនាំមន្ត្រីក្រោមឱវាទ លោកមេឃុំ ចុះពិនិត្យជួសជុលផ្លូវមួយខ្សែររងការខូចខាតដោយភ្លៀងធ្លាក់ជោគជាំដើម្បីបង្ករការងាយស្រួលដល់ប្រជាពលរដ្ឋក្នុងការធ្វើដំណើរទៅមកក្នុងរដូវវស្សាបណ្តោះអាសន្នសិននាពេលខាងមុខផ្លូវនេះនឹងចាក់បេតុងជូន។
