វេលាម៉ោង៩និង៣០នាទីព្រឹកថ្ងៃចន្ទ ០៧កើតខែជេស្ឋ ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី០៦ ខែមិថុនាឆ្នាំ២០២២ បន្ទាប់ពីមានការមមាញឹកមួយរយ:នេះ ក្នុងការយុទ្ធនាការឃោសនាបោះឆ្នោតក្រុមប្រឹក្សាឃុំ/សង្កាត់ចប់ រហូតឈានចូលដល់ការបោះឆ្នោតនៅថ្ងៃទី05/06/2022 បានទទួលលទ្ធផលបណ្ដោះអាសន្នជាផ្លែផ្កានោះ អាជ្ញាធរស្រុកអូររាំងបានចុះពិនិត្យទីតាំងដីទំនាស់ដ៏រ៉ាំរ៉ៃ ជាក់ស្ដែង ដើម្បីដោះស្រាយជូនប្រជាពលរដ្ឋមួយកន្លែងក្នុងភូមិពូហ្យាម ឃុំសែនមនោរម្យ ស្រុកអូររាំង ដឹកនាំដោយលោក សៀក មុន្នី អភិបាល នៃគណ:អភិបាលស្រុក ដោយមានការអញ្ជើញចូលរួមពីមន្ត្រីជំនាញ និងម្ចាស់ដីទាំងសងខាង ។
ក្នុងកិច្ចនេះ លោកអភិបាល បានចង្អុលបង្ហាញថា ដើម្បីរកអោយឃើញថា ដីនេះជាន់គ្នាយ៉ាងណាមួយនោះ ជាលទ្ធផលមួយជំហ៊ានសូមអោយគូរភាគីទាំងពីរអនុវត្តឈរលើគោលការណ៍ទៅតាមចំនុចនិយាមការណ៍ជាក់លាក់ កុំបំពានទៅលើគ្នាទៅវិញទៅមកនោះ និងអាចរកចំនុចខុសត្រូវឃើញ ដើម្បីងាយស្រួលក្នុងការដោះស្រាយរបស់់អាជ្ញាធរ ពិសេសស្នើសុំអោយគូភាគីមានការសប្បទាន យោគយល់អធ្យាស្រ័យគ្នាអោយបានខ្ពស់ ដើម្បីងាកទៅរកយុទ្ធសាស្ត្រឈ្នះៗ និងបានបញ្ចប់ក្នុងពេលឆាប់ៗ ។
ជាចុងក្រោយ លោកអភិបាលបានស្នើរដល់គូវិវាទជជែកគ្នា រកដំណោះស្រាយអោយបានល្អប្រសើរបើមានការចចារគ្នាចប់ដោយសន្តិវីធីនាំធ្វើកិច្ចសន្យាសះជានិងគ្នាចំពោះមុខអាជ្ញាធរជាការងាយស្រួលក្នុងការគ្រប់គ្រងដោយគ្មានទំនាស់ លោកបានបញ្ជាក់បន្ថែមថា នៅក្នុងស្រុកទាំងមូលមិនមែនមានតែករណីមួយកន្លែងនឹងទេ នៅមានច្រើនទៀតដែលត្រូវបន្តដោះ ដោយសន្យាថានិងដោះជូនប្រជាពលរដ្ឋតាមអ្វីដែលធ្វើបានបើដោះមិនបានលោកនិងបញ្ជូនទៅថ្នាក់លើទៀយ ៕