នៅថ្ងៃទី១៦ ខែឧសភា ឆ្នាំ២០២២ វេលាម៉ោង២និង៣០នាទីរសៀល នៅសាលប្រជុំសាលាស្រុកអូររាំង បានចែកអំណោយជូនដល់គ្រួសារទីទាល់ក្រ ក្នុងស្រុកទាំងមូល មានចំនួន៦៩គ្រួសារ ក្រោមអធិបតីភាព លោកសៀក មុន្នី អភិបាលស្រុកដោយមានការអញ្ជើញចូលរួមពីលោក/លោកស្រីអភិបាលរង មន្ត្រីទាំងអស់ក្នុងសាលាស្រុក ។
ជាកិច្ចចាប់ផ្ដើម លោកអភិបាលស្រុកបានសំណេះសំណាល សួរសុខទុក្ខ ប្រជាពលរដ្ឋ និងបានណែនាំមន្ត្រីក្រោមឱវាទ សូមជួយបន្តយកចិត្តទុកដាក់ដល់ប្រជាពលរដ្ឋយើងក្នុងមូលដ្ឋាន លោកបានបន្ថែមនិងផ្ដាំផ្ញើរដល់បងប្អូនថា ចូរនាំគ្នាធ្វើអនាម័យថែរក្សាសុខភាពអោយបានខ្ពស់ ព្រោះរដូវនេះមានភ្លៀងធ្លាក់ច្រើនបណ្ដាលអោយមានការឆ្លងមេរោគ ពិសេស សូមបងប្អូនអញ្ជើញចូលរួមបោះឆ្នោតក្រុមប្រឹក្សាឃុំ សង្កាត់នាពេលដ៏ខ្លីខាងមុខនេះអោយបានគ្រប់ៗគ្នា ។
ជាកិច្ចបញ្ចប់ កម្មវិធីនេះ លោកអភិបាល និងក្រុមការងារបានចែកអំណោយ ជូនដល់ប្រជាពលរដ្ឋក្នុងមួយគ្រួសារ ទទួលបានអង្ករ២៥គីឡូក្រាម / មី១កេស / ស្កសរ១គីឡូក្រាម / អំបិល១គីឡូ / ទឹកត្រី២ដប / ទឹកស៊ីអ៊ីវ១ដប / អំណោយទាំងនេះ បានមកពីសប្បុរសក្នុងស្រុក និងអង្គការ WCS (គំរោងរ៉េដបូក) និងបានថ្លែងអំណរគុណប្រសិទ្ធិពរជ័យដល់ប្រជាពលរដ្ឋយើងបានសេចក្ដីសុខរកស៊ីទទួលទានមានបានគ្រប់ៗគ្នា។
