នៅថ្ងៃទី១៦ ខែឧសភា ឆ្នាំ២០២២ វេលាម៉ោង៩.០០នាទីព្រឹក នៅសាលាឃុំដាក់ដាំ មានការប្រជុំវេទិកាសាធារណ: ដើម្បីប្រមូលព័ត៌មានពីប្រជាពលរដ្នក្នុងមូលដ្ឋានពីបញ្ហាប្រឈម និងមិនប្រឈម ក្រោមអធិបតីភាព លោក នង ទណ្ណារី ប្រធានក្រុមប្រឹក្សាស្រុកអូររាំង ដោយមានការអញ្ជើញចូលរួមពីមន្ត្រីកងកម្លាំងទាំងបី លោក/លោកស្រីអភិបាលរង មន្ត្រីទាំងអស់ក្នុងសាលាស្រុក ។
ជាកិច្ចចាប់ផ្ដើម លោកប្រធានអង្គវេទិកាសាធារណ:សូមប្រគល់កម្មវិធីនេះជូនទៅប្រជាពលរដ្ឋ ដើម្បីឡើងមានមតិយោបល់ម្តងម្នាក់ៗ ។ ក្នុងនោះ ប្រជាពលរដ្ឋយើងបានលើកឡើងពីបញ្ហាជាច្រើនដូចជា ការកាប់ព្រៃយកដីសហគមន៍ ការរំលោភយកដីពីប្រជាពលរដ្ឋ ការងារទឹកធ្លាក់មួយចំនួនក្នុងមូលដ្ឋាន ការងារវាស់វែងដីធ្លីទាំងអស់ ពិសេសលក្ខណ:ជាប្រព័ន្ធ ។
បន្ទាប់ពីពលរដ្ឋមានយោបល់រួមមក លោកប្រធានបានបកស្រាយដោះចម្ងល់ជូនពលរដ្ឋយើងបានយល់ជ្រួតជ្រាប ពិសេសបានអោយមន្ត្រីគ្រប់ជំនាញឡើងបកស្រាយតាមជំនាញជូនប្រជាពលរដ្ឋយើង ។ ដោយឡែក ការងារសន្តិសុខវិញ លោក អធិការស្រុកបានឡើងមានយោបល់ស្នើសុំពលរដ្ឋយើងមានការសហការជាមួយកម្លាំងប៉ុស្តិ៍ ដូចជាករណីគ្រឿងញៀន ពលរដ្ឋចំណាកស្រុក ត្រូវរាយការណ៍ងាយស្រួល ក្នុងការក្ដាប់បានសភាពការណ៍បទល្មើសដើម្បីបង្ក្រាបទាន់ពេលវេលា ។
ជាកិច្ចបញ្ចប់ លោកប្រធានបានថ្លែងអំណរគុណនិងប្រសិទ្ធិពរជ័យដល់ប្រជាពលរដ្ឋយើងបានសេចក្ដីសុខរកសុីទទួលទានមានបានគ្រប់ៗគ្នា ៕