ខេត្តកណ្ដាល ៖ ម្ចាស់ទីតាំងសង្វៀនជល់មាន់ថ្នាល់ ២ ទីតាំងខុសគ្នា បើកសង្វៀនជល់មាន់ដូចគ្នា ស្ថិតក្នុងស្រុកជិតគ្នា ក្នុងខេត្តកណ្ដាល ដោយម្ចាស់ង្វៀនស្រុកស្អាងមកប៉ះ ម្ចាស់សង្វៀនជល់មាន់ស្រុកកោះធំ ក៏បានជល់គ្នាជំនួសមាន់ ផ្អើលពេញកាស៊ីណូកាលឡាក់ស៊ី។ ករណីបង្កឲ្យមានអំពើហិង្សានេះ បានកើតឡើងកាលពីថ្ងៃទី ០៥ខែឧសភាឆ្នាំ២០២២ ក្នុងកាសស៊ីណូកាឡាក់ស៊ី ភូមិជ្រៃធំ ឃុំសំពៅពូន ស្រុកកោះធំខេត្តកណ្ដាល។
ក្នុងករណីប្រើអំពើហិង្សា នេះបានបង្កឲ្យឱ្យមានរបួសស្នាម ទី១.ទីមួយឈ្មោះសៀ ហុងភេទប្រុសអាយុ ៣៧ ឆ្នាំជនជាតិខ្មែរ រស់នៅភូមិព្រែករុន ឃុំព្រែកគយ ស្រុកស្អាង ខេត្តកណ្ដាល មុខរបរបុគ្គលិកកាស៊ីណូ ទី ២. ឈ្មោះម៉ុន វណ្ណាភេទប្រុសអាយុ ៥៩ ឆ្នាំជនជាតិខ្មែររស់នៅភូមិលេខ ១ សង្កាត់ស្វាយរលំ ក្រុងតាខ្មៅ ខេត្តកណ្ដាល មុខរបរមន្ត្រីចូលនិវត្តន៍។
ក្នុងហេតុការណ៍នេះបានធ្វើឲ្យមានការភ្ញាក់ផ្អើល ខណៈអ្នកមើលការខុសត្រូវម្ចាស់សង្វៀនជល់មាន់ស្រុកកោះធំវ៉ៃគ្នាជាមួយម្ចាស់សង្វៀនជល់មាន់ស្រុកស្អាងក្នុងការស៊ីណូ បណ្ដាលឲ្យមានរងរបួស ០២នាក់រីឯជនសង្ស័យត្រូវបានសមត្ថកិច្ចស្រុកកោះធំធ្វើការឃាត់ខ្លួន ។
ជនសង្ស័យ មានឈ្មោះង្វៀង បិនភេទប្រុសអាយុ៥២ឆ្នាំជា ជនជាតិវៀតណាម រស់នៅក្នុងភូមិឃុំកើតហេតុខាងលើនិងជាបុគ្គលិកកាស៊ីណូ។
មុនពេលកើតហេតុគេឃើញ ជនរងគ្រោះឈ្មោះសៀ ហុង បានឈរជជែកគ្នាអំពីប្រាក់ ដែរជនរងគ្រោះបានឱ្យលុយគេខ្ចីចំនួន១.០០០.០០០រៀល ហើយបានប្រកែកគ្នាយ៉ាងខ្លាំង ឈានដល់ប្រើអំពើហិង្សាវាយតប់គ្នាតែម្ដង ជនសង្ស័យមានបក្សពួកប្រហែល៧ទៅ៨នាក់ បានព្រួតវាយទៅលើជនរងគ្រោះទាំងពីរ ក្នុងពេលនោះ គេបានឃើញក្រុមបក្សពួកខាងលើបានវាយទៅលើជនរងគ្រោះ ឈ្មោះម៉ុន វណ្ណា ជាច្រើនដៃ ចំណែកឈ្មោះស្រៀ ហុងគេចខ្លួនបាត់ ក្រោយមកឃើញឈ្មោះង្វៀង បិនបានយកទូរសព្ទ័ម៉ាក oppoមិនចាំស៊េរីពណ៌សលាយខ្មៅគុបទៅលើឈ្មោះស្រៀ ហុងដែលជាមេសង្វៀននៅស្រុកស្អាង និងប្រើពាក្យថា ឯងកុំចង់ខ្លាំងជាមួយអញ អញចង់សម្លាប់ឯងថ្មើរណាក៏បាន ហើយដឹងមានការជេរប្រមាថជាច្រើនថែមទៀត។
ក្រោយពេលកើតហេតុ ជនរងគ្រោះបានមកដាក់ពាក្យបណ្ដឹង នៅអធិការដ្ឋាននគរបាលស្រុកកោះធំ តែម្ដង បន្ទាប់ពីបានទទួលពាក្យបណ្ដឹងភ្លាមកម្លាំងជំនាញស្រុកកោះធំ សហការជាមួយកម្លាំងនគរបាលប៉ុស្តិ៍សំពៅពូន បានចុះអន្តរាគមន៍ធ្វើការឃាត់ខ្លួនជនសង្ស័យបញ្ជូនមកកាន់អធិការដ្ឋាននគរបាលស្រុកកោះធំដើម្បីចាត់ការតាមនីតិវិធី៕
គួររំលឹកផងដែរថា (ពាក្យចាស់លោកបានពោលថា ជល់មាន់មិនឈ្នះជល់មនុស្សម្ដង)ពិតជាមានន័យមែន!!!