នៅព្រឹកថ្ងៃអង្គារ ៣កើត ខែពិសាខ ឆ្នាំខាល ចត្វាស័ក ព.ស.២៥៦៥ ត្រូវនឹងថ្ងៃទី០៣ ខែឧសភា ឆ្នាំ២០២២ លោក ឈឹម កាន អភិបាលខេត្តស្តីទី បានអញ្ជើញចូលរួមក្នុងសិក្ខាសាលាស្តីពីការពង្រឹងការអនុវត្តច្បាប់ប្រឆាំងការជួញដូរសត្វព្រៃក្នុងស្រុក និងឆ្លងដែននៅកម្ពុជា ក្រោមអធិបតីភាពឯកឧត្តម ស៊ឹម យ៉ារ៉ែន អនុរដ្ឋលេខាធិការក្រសួងបរិស្ថាន ដែលមានការចូលរួមពីសំណាក់លោក ប្រធានមន្ទីរបរិស្ថាន ស្នងការដ្ឋាននគរបាលខេត្ត ព្រះរាជអជ្ញារងអមសាលាដំបូងខេត្ត លោកប្រធានគម្រោងអង្គការ WCS ប្រចាំខេត្តមណ្ឌលគិរី អង្គការ WWF,Birdlife,Wildlife Alliance មន្ត្រីឧទ្យានុរក្ស អភិបាលក្រុង ស្រុក និងគណៈកម្មការសហគមន៍ពាក់ព័ន្ធមួយចំនួនទៀត ដែលសិក្ខាសាលានេះប្រព្រឹត្តទៅនៅសាលប្រជុំសណ្ឋាគារពេជ្រដា។
គោលបំណង៖ដើម្បីចូលរួមចែករំលែកបទពិសោធន៍មេរៀនល្អៗ និងលើកកំពស់សមត្ថភាពលើការងារសហការរវាងរដ្ឋាភិបាល និងដៃគូអង្គការក្រៅរដ្ឋាភិបាលស្តីពីការអនុវត្តច្បាប់ និងការអភិរក្សជីវៈចម្រុះនៅតំបន់ខ្ពង់រាបភាគខាងកើតនៃប្រទេសកម្ពុជាស្តីពីការប្រយុទ្ធប្រឆាំងការជួញដូរសត្វព្រៃខុសច្បាប់៕