រដ្ឋបាលស្រុកអូររាំង-ខេត្តមណ្ឌលគិរី ៖ ថ្ងៃទី៣ ខែឧសភា ឆ្នាំ២០២២ នៅវេលាព្រឹកម៉ោង ៨ៈ០០ នាទី រដ្ឋបាលស្រុកអូររាំងបានបើកដំណើរការកម្មវិធីបោះឆ្នោតជ្រើសរើស ប្រធានការិយាល័យប្រជាពលរដ្ឋ ក្រោមអធិបតីភាពលោក នង ទុណ្ណារី ប្រធានក្រុមប្រឹក្សាស្រុក និងមានការចូលរួមពីសំណាក់លោក លោកស្រី សមាជិក សមាជិកានៃក្រុមប្រឹក្សាស្រុក លោក លោកស្រី តំណាងអង្គការសង្គមស៊ីវិល លោក លោកស្រី តំណាងអាជីវករ។
ជាលទ្ធផល បន្ទាប់ពីបានបញ្ចប់ដំណើរការបោះឆ្នោតចប់ គណៈកម្មការក៏បានប្រកាសពីបេក្ខជនដែលមានសំឡេងសន្លឹកឆ្នោតច្រើនជាងគេ ក្នុងនោះបេក្ខជនមានចំនួន ០២នាក់ បេក្ខជនទី១ ឈ្មោះ លីន បូវណ្ណ ទទួលបាន ០២សំឡេង បេក្ខជនទី២ឈ្មោះ វង្ស រចនា ទទួលបាន១៥ សំឡេង ជាប់ជាប្រធានការិយាល័យប្រជាពលរដ្ឋ។