ខេត្តសៀមរាប ៖ បើតាមប្រភពព័ត៌មានពីសៀមរាបបានឲ្យដឹងថា កងកម្លាំងអាវុធហត្ថលើផ្ទៃប្រទេសបានធ្វើការឃាត់ខ្លួននាយការិយាល័យបង្ក្រាបគ្រឿងញៀននៃកងរាជអាវុធហត្ថខេត្តសៀមរាបនិងបក្ខពួកម្នាក់ទៀត តាមសេចក្តីរាយការណ៍បានឲ្យដឹងថា ឈានដល់ការឃាត់ខ្លួននាយការិយាល័យបង្ក្រាបគ្រឿងញៀននិងបក្សពួកគឺសង្ស័យមានការពាក់ព័ន្ធ និងការប្រព្រឹត្តបទល្មើសនៅក្នុង ការបំពេញតួនាទីដោយបានផ្សំគំនិតជួញដូរគ្រឿងញៀន។
បើតាមសមត្ថកិច្ច បានឲ្យដឹងថានាយអាវុធហត្ថដែលឃាត់ខ្លួននៅមានឈ្មោះវីរសេនីយ៍ត្រីធាវ ចាន់ដារ៉ានាយការិយាល័យប្រឆាំងបទល្មើសគ្រឿងញៀននិងទី ២ នាយចំណង់នាម ណាក់ជំនួយការការិយាល័យប្រឆាំងបទល្មើសគ្រឿងញៀន។សមត្ថកិច្ចបានបន្តទៀតថានាយអាវុធហត្ថទាំងពីររូបដែលបានឃាត់ខ្លួននេះគឺដោយសារគាត់បំពេញតួនាទីជាមន្ត្រីនគរបាលយុត្តិធម៌ក្នុងការប្រយុទ្ធប្រឆាំងគ្រឿងញៀនតែតាមការស្រាវជ្រាវរបស់គណៈកម្មការចំពោះកិច្ចរបស់កងរាជអាវុធហត្ថបានរកឃើញថាពួកគេបានប្រព្រឹត្តបទល្មើសនៅក្នុងការបំពេញតួនាទីដោយគាត់សមគំនិតជាមួយនឹងការជួញដូរគ្រឿងញៀន។ដូច្នេះកងរាជអាវុធហត្ថខេត្តធ្វើការឃាត់ខ្លួនជនទាំងពីរនាក់នេះតែម្តងដោយមិនចាំបាច់ឲ្យអង្គភាពណាមកបង្ក្រាបឡើយគឺអាវុធហត្ថយកការទទួលខុសត្រូវដោយខ្លួនឯង។
ជុំវិញករណីនេះដែលោកយិន ស្រ៊ាងអ្នកនាំពាក្យសាលាដំបូងខេត្តសៀមរាប បានឲ្យដឹងនៅរសៀលថ្ងៃទី ៣០ ខែមេសាឆ្នាំ ២០២២ នេះថាបច្ចុប្បន្ននាយអាវុធហត្ថទាំងពីររូបត្រូវបានបញ្ជូនដល់ដៃចៅក្រមហើយកំពុងក៏កំពុងសួរនាំនៅឡើយ។
