ខេត្តបន្ទាយមានជ័យ ៖ នៅព្រឹកថ្ងៃទី ៣០ ខែមេសាឆ្នាំ ២០២២ ឯកឧត្តមនាយឧត្តមសេនីយ៍គៀត ថារិទ្ធអគ្គនាយកដ្ឋានអន្តោប្រវេសន៍បានអញ្ជើញបើកកិច្ចប្រជុំនៅប៉ុស្តិ៍ច្រកទ្វារអន្តរជាតិប៉ោយប៉ែត ដើម្បីពិភាក្សាអំពីការចុះត្រួតពិនិត្យ វាយតម្លៃសំណង់ជាប់អគារថ្មីរបស់ក្រុមហ៊ុនកាស៊ីណូហូលីដេ និងសំណង់ចាស់ៗនៅគាល់ស្ពានមិត្តភាពកម្ពុជានិងថៃដើម្បី កែលម្អហេដ្ឋារចនាដើម្បីឲមានសោភ័ណភាពល្អឡើងវិញ នៅច្រកទ្វារព្រំដែនអន្តរជាតិប៉ោយប៉ែតឲ្យកាន់តែមានភាពប្រសើរឡើង។
ក្នុងកិច្ចប្រជុំពិភាក្សាការងារនេះ មានការអញ្ជើញចូលរួមពីសំណាក់ឯកឧត្តមឧត្តមសេនីយ៍គៀតច័ន្ទ ថារិទ្ធអគ្គនាយកអន្តោប្រវេសន៍ ឯកឧត្តមនាយឧត្តមសេនីយ៍សេង យូអាន់ អគ្គនាយកភស្តុភារនិងហិរញ្ញវត្ថុក្រសួងមហាផ្ទៃ លោកង៉ោ ម៉េងជ្រួនអភិបាលរងខេត្តបន្ទាយមានជ័យ Mr khendy yeapប្រធានក្រុមហ៊ុនកាសុីណូហូលីដេ ឧត្តមសេនីយ៍ទោសិទ្ធិ ឡោះស្នងការខេត្តបន្ទាយមានជ័យ .លោកឧត្តមសេនីយ៍ អ៊ី ចំរើននាយប៉ុស្តិ៍រដ្ឋបាលច្រកទ្វារអន្តរជាតិប៉ោយប៉ែត រួមនិងមន្ត្រីរាជការពាក់ព័ន្ធជុំវិញខេត្តបន្ទាយមានជ័យព្រមទាំងលោកលោកស្រីមន្ត្រីប្រចាំនៅច្រកអន្តរជាតិជាច្រើនរូបផងដែរ។
ក្រោយពីបានប្រជុំពិភាក្សាការងាររួចមកគណៈប្រតិភូក្រុមការងារបានឯកភាពគ្នាចុះត្រួតពិនិត្យ មើលទីតាំងជាក់ស្ដែងដើម្បីកំណត់ទីតាំងដែលត្រូវរុះរើ និងទីតាំងដែលត្រូវអភិវឌ្ឍន៍ឡើងវិញ និងធ្វើសំណើរ សុំគោលការណ៍ថ្នាក់ដឹកនាំ ដើម្បីរៀបចំហេដ្ឋារចនាសម្ព័ន្ធ នៅទីតាំងសងខាងក្បាលស្ពានច្រកទ្វារអន្តរជាតិប៉ោយប៉ែត៕
