ខេត្តកំពង់ចាម ៖ ទីតាំងបើកល្បែងភ្នាល់ស៊ីសងជល់មាន់ នៅចំណុចភូមិខ្នារបឹង ស្រុកជើងព្រៃ ខេត្តកំពង់ចាម មានច្រកចូលខាងលិចហាងបាយ ៧២ ប្រហែល ២០០ ម៉ែត្រ កំពុងតែដំណើរការស្វាគម៍បើកទទួលអ្នកមានមាន់ចូលទៅជល់ ដោយចំហរ យ៉ាងសប្បាយ និងគគ្រឹកគគ្រេង អឹងកងយ៉ាងអនាធិបតេយ្យបំផុត ដោយគ្មានញញើតអាជ្ញាធរនិងសមត្ថកិច្ចបន្តិចណាឡើយ៕
បើតាមប្រភពព័ត៌មានពីអ្នកញៀនល្បែងនិងធ្លាប់ចាញ់ក្នុងការចូលទៅលេងបានបង្ហើបឲដឹងថា ÷ទីតាំងបើកឲ្យលេងល្បែងស៊ីសងដែលគ្មានច្បាប់អនុញ្ញាតខាងលើនេះ ទំនងមានខ្សែនិងខ្នងបង្អែកពីក្រោយយ៉ាងគ្រាក់ៗហើយធំៗណាស់ក្នុងខេត្តទើបហ៊ានបើកឲលេងល្បែងផ្នាល់សង្វៀនជល់មាន់ដោយចំហរ បានដោយរលូតបែបនេះ៕
បើទោះបីក្នុងករណីមានការគៀងគរប្រមូលផ្ដុំ មានបើកល្បែងស៊ីសង ល្បែងភ្នាល់មាន់មួយកន្លែងនេះ មហាជនជាច្រើនកំពុងតែមានការសង្ស័យថាអាជ្ញាធរនិងមន្ត្រីពាក់ព័ន្ធក្នុងមូលដ្ឋានប្រហែលជាត្រូវដងត្រូវផ្លែគ្នានឹងបានទទួលបតុងពីនាក់បើកបនល្បែងសង្វៀនជល់មាន់ហើយមើលទៅទើបអាចដំណើរការបានយ៉ាងរលូតនិងរំភើយ ហើយសមិត្ថកិច្ច ដេកលក់ស្ងាត់សូន្យបែបនិងនោះ។
ទាក់ទងទៅនឹងការបើកបនល្បែងសុីសងគ្មានច្បាប់ខាងលើ បានធ្វើឲ្យមតិមហាជននិងពលរដ្ឋដែរនៅក្បែរទីតាំងនោះបាននិយាយគ្រប់ម៉ាត់ថា÷ ការបើកឲ្យមានបនល្បែងស៊ីសង វាជាផ្លូវមួយបង្ករឲ្យមានបទល្មើស អំពើហិង្សា ក្នុងគ្រួសារបង្កើតឲ្យមាន ចោរកម្ម លួចឆក់ប្លន់ ធ្វើឲ្យភូមិឃុំសង្កាត់ អត់មានសុវត្ថិភាពអស្ថេរភាពក្នុងសង្គម ថែមទាំងបានប្រឆាំងនិងអនុសាសន៍របស់សម្ដេចក្រឡាហោមស ខេង ព្រមទាំងអគ្គសន្តិបណ្ឌិតនេត សាវឿនជាអគ្គនគរបាលជាតិដែលតែងតែក្រើនរំលឹកឲ្យទុបស្កាត់មិនឲមានបទល្មើសលេងល្បែងសុីសង ដើម្បីភូមិឃុំមានសុវត្ថិភាពទាំងប្រាំពីរចំណុចនោះផងដែរ។តែដោយឡែកអាជ្ញាធរនិងសមត្ថកិច្ចនៅស្រុកជើងព្រៃហាក់បីដូច មិនអនុវត្តន៍ច្បាប់ ប្រហែលជាចាប់តទុកពាក្យភូមិឃុំមានសុវត្ថិភាពទាំង ៧ ចំណុចរបស់ថ្នាក់ដឹកនាំគឺជាត្រដោកហើយមើលទៅ!!!៕
ពលរដ្ឋដែលរស់នៅក្បែរទីតាំងហ្នឹងនៅស្រុកជើងព្រៃទទូចស្នើសុំឲលោកឯម កុសលស្នងការនគរបាលខេត្តកំពង់ចាមព្រមទាំងលោកអាជ្ញាធរអធិការស្រុកជើងព្រៃមេត្តាជួយមានវិធានការទៅលើសង្វៀនមាន់ជល់ដែលមានទីតាំងដូចខាងលើ ដើម្បីផ្ដល់សេចក្តីសុខនិងសុវត្ថិភាពជូនប្រជាពលរដ្ឋផងទាន៕
សូមរំលឹកផងដែរថា បើយោងតាមច្បាប់នៃការបង្ក្រាបបទល្មើសល្បែងស៊ីសងជំពូក ៣ ទោសបញ្ញត្តិបានចែងក្នុងមាត្រា ៤ លេងល្បែងស៊ីសងជននោះត្រូវផ្ដន្ទាទោសពិន័យជាប្រាក់ពី ១ ម៉ឺនរៀលដល់ ៥ ម៉ឺនរៀលឬដាក់ទុកពី ០១ថ្ងៃដល់ ១ ខែក្នុងករណីមិនរាងចាលត្រូវផ្ដន្ទាទោសពិន័យជាប្រាក់ពីប្រាំលានរៀល(៥.០០០០០០)នឹងដាក់គុកពី 1 ឆ្នាំដល់ 5 ឆ្នាំចំពោះអ្នកបើកកន្លែងលេងល្បែងស៊ីសងអ្នកកាន់កាប់ល្បែងស៊ីសងអ្នកចាត់ចែងនិងភ្នាក់ងារស៊ីសង។ក្នុងករណីពុំរាងចាលត្រូវផ្ដន្ទាទោសពិន័យជាប្រាក់និងដាក់គុកខាងលើជាអតិបរមា។និងមាត្រា ៦.៧.៨.៩.១០ និ១១បន្ថែមទៀត។