ខេត្តបន្ទាយមានជ័យ ៖ នេះបើយោងតាមប្រភពព័ត៌មានច្បាស់ការពីប្រទេសថៃបានឲ្យដឹងថា កាលពីថ្ងៃទី ២៦ ខែមេសាឆ្នាំ ២០២២នេះពលរដ្ឋខ្មែរបានឆ្លងដែនទៅធ្វើពលករចំនួន១២៧នាក់មាន(ស្ត្រីចំនួន៣៩នាក់)និង(កុមារ០៧នាក់)បានឆ្លងទៅប្រទេសថៃតាមច្រកក្រវ៉ាត់ព្រំដែនម៉ាឡៃយ៉ាងគគ្រឹកគគ្រេងនិងបានដោយរលូន តែចៃដន្យនិងជាអកុសលត្រូវបានតម្រួតការពារព្រំដែនខាងភាគីថៃចាប់បាន នៅចំណុចភូមិណងព្រឺ ឃុំផាន់សឹក ស្រុកអារញ្ញ ខេត្តព្រះកែវប្រទេសថៃ ទាល់មុខភូមិដំបូងវិល ឃុំម៉ាឡៃ ស្រុកម៉ាឡៃ ខេត្តបន្ទាយមានជ័យ ។
ក្នុងហេតុការណ៍ដែលប្រជាពលរដ្ឋ១២៧នាក់បានឆ្លងដែនដោយរលូនទៅដល់ដែនដីថៃបែបនេះមានមតិមួយចំនួនបានសង្ស័យថា ខាងសមត្ថកិច្ចខ្មែរ ទាំង បីស្ថាប័ន មានទាហាន កងរាជអាវុធហត្ថ វីរៈការពារព្រំដែនគោក ៨១៥ ដែលសម្ដេចតេជោ បានប្រកាសនិងបញ្ជាបញ្ជូនឱ្យទៅឈរជើងការពារទប់ស្កាត់ ដើម្បីការពារមិនឱ្យមានពលរដ្ឋលួចឆ្លងដែនទៅធ្វើពលករខុសច្បាប់នៅប្រទេសថៃ និងដើម្បីទប់ស្កាត់នូវការរីករាលដាលជំងឺ១៩អស់រយៈពេលជិត ៣ ឆ្នាំមកនេះសង្ស័យត្រូវដងត្រូវផ្លែឬត្រូវថ្នាំសណ្តំរបស់មេខ្យល់ហើយទេដឹងបានជាប្រជាពលរដ្ឋដល់ទៅ ចំនួន១២៧នាក់ហោះរំលងឆ្លងទៅបាន បែជាសមត្ថកិច្ចទាំងអស់មិនដឹង។
ក្នុងករណីដែលប្រជាពលរដ្ឋទាំង ១២៧ នាក់ បានឆ្លងដែន ចូលដល់ទឹកដីនៃប្រទេសថៃត្រូវបាន កងកម្លាំងនិងសមត្ថកិច្ចរបស់ថៃ ឃាត់ខ្លួនបាននេះដែរ គេហទំព័រខ្មែរអច្ឆរិយះ ក៏បានធ្វើកិច្ចសម្ភាសន៍ តាមប្រព័ន្ធតេឡេក្រាម ជាមួយលោកវីរសេនីយ៍ឯកសួង សៅ មេបញ្ជាការវរៈព្រំដែនគោក ៨១៥ លោកបានបញ្ជាក់ឲ្យដឹងផងដែរថា នៅជាការឆក់ល្វែងមួយពេលរបស់កងកម្លាំង លោកលោកមេបញ្ជាការវីរៈព្រំដែនគោក៨១៥ បានលើកឡើងថាក្នុងនាមកងកម្លាំងសមត្ថកិច្ចទាំងអស់ក៏ចេះស្រលាញ់កិត្តិយស យសស័ក្ត ក្នុងនាមជា ជាកងកម្លាំង បានខិតខំបំពេញភារកិច្ចមិនថាយប់ថ្ងៃភ្លៀងខ្យល់អ្វីឡើយ ហើយក៏មិនបានមូលម្ដុំឃុំឃិតគ្នាដើម្បីរកប្រយោជន៍ដូចគេចោទនោះទេ។
តែទោះបីជាមានការបកស្រាយបំភ្លឺតាមរយៈបទសម្ភាសន៍ ពីលោកមេបញ្ជាការវរៈព្រំដែនគោក៨១៥ យ៉ាងណាក៏ដោយ ប៉ុន្តែបើតាមមតិសាធារណៈជន ដាក់ការសង្ស័យដដែលថា បើត្រឹមតែមនុស្សម្នាក់អ្នកពីរបីនាក់នោះមិនអីទេវាពិតជាសមហេតុសមផល តែនេះមនុស្សដល់ទៅ១២៧នាក់គឺជាចំនួនច្រើនណាស់ តែអាចឆ្លងទៅបាន ហើយខាងគេចាប់បានខាងខ្មែរមិនដឹង។
