(ប្រទេសថៃ) នៅព្រឹកថ្ងៃអាទិត្យ ២៤.០៤.២០២២.វេលា១២.០៨(ប្រភពពីថៃ) យ៉ាងហោចណាស់ក៏មានប្រជាពលរដ្ឋចំនួន ០២នាក់ត្រូវបានស្លាប់និងរងរបួសធ្ងន់ និងស្រាលជាច្រើននាក់ នៅក្នុងករណីគ្រោះថ្នាក់ចរាចរណ៍មួយនៅប្រទេសថៃ កាលពីវេលា០២.៥៥ នាទីទៀបភ្លឺថ្ងៃទី ២៣ ខែមេសាឆ្នាំ ២០២២ ព័ត៌មានថៃបានរាយការណ៍ថា ÷សមត្ថកិច្ចនគរបាលស្រុក ទីរួមខេត្តស្រះកែវបានទទួលព័ត៌មានករណីរថយន្តបុកពីក្រោយរថយន្តផ្ទុកទំនិញធុនធ្ងន់ឲ្យមានមនុស្សស្លាប់និងរបួស ហើយកម្លាំងសមត្ថកិច្ចបានចុះទៅដល់កន្លែងកើតហេតុរួមជាមួយមន្ត្រីសង្គ្រោះខេត្តស្រះកែវភ្លាមៗ។
គ្រោះថ្នាក់ចរាចរណ៍នេះបានកើតនៅចំណុច ផ្លូវជាតិលេខ៣៥៩ ស្រះកែវ ខៅហិនសន ក្នុងភូមិម៉ៃ ប្រៃវ៉ាល់ ឃុំស្រះខ្វាន់ ស្រុកនិងទីរួមខេត្តប្រះកែវ ព្រមជាមួយរថយន្ត( pick up toyota vigo) ភីកអាប់វីហ្គោពាក់ស្លាកលេខ ถท2559ស្រះកែវ បើកបរដោយជនជាតិថៃឈ្មោះ លី ឃឹតធម្មប្រះនិតអាយុ៣០ឆ្នាំបានបើកទៅបុកពីក្រោយ រថយន្តកង១៨ ផ្លាកលេខ៧១.៤១៨៥រាក់យង អ្នកបើកបរមានឈ្មោះសេន ខុនតាលជនជាតិថៃបានបង្កឲ្យគ្រោះថ្នាក់តែម្ដង។
ក្រោយពីសមត្ថកិច្ចត្រួតពិនិត្យរថយន្តដែលជួបគ្រោះថ្នាក់នេះបានរកឃើញថាមានអ្នករងរបួសធ្ងន់ស្រាលជាច្រើននិងអ្នក ស្លាប់ នៅនឹងកន្លែងកើតហេតុចំនួន០២នាក់គឺប្រពន្ធអ្នកបើករថយន្តភីកអាប់ជនជាតិថៃនិងក្មេងប្រុសខ្មែរនៅមិនទាន់ដឹងឈ្មោះតែអាយុទើប១ខួបនៅឡើយ។តែដោយឡែកអ្នករងរបួស មានឈ្មោះ១.ជុល និស្រីអាយុ២៣ ឆ្នាំ ២. ឈ្មោះប្រែ ភេទស្រីអាយុ ២០ ឆ្នាំបី namjin ប្រុសអាយុ ៤៣ ឆ្នាំ៤.ថៃ នាង ស្រីអាយុ ២០ឆ្នាំ ៥ .វ៉ៃ សេរិនប្រុសអាយុ ៣៨ ឆ្នាំ
6. MR.OOTSOEURTHអាយុ៣៦ឆ្នាំ ៧.នួន ពឹងស្រីអាយុ៣៨ឆ្នាំ ៨.តែន សែត ប្រុសអាយុ១៨ឆ្នាំ ៩.ស្រីណូភេទ ស្រីអាយុ១៧ឆ្នាំ ១០.ដេក សៀនភេទប្រុសអាយុ២៥ឆ្នាំ ១១.ដួង ចន្ទ័ ភេទស្រីអាយុ៤៣ឆ្នាំ អ្នករងរបួសធ្ងន់ស្រាទាំង ១១ នាក់ខាងលើជាពលរដ្ឋខ្មែរដោយឡែកឈ្មោះលិ ឃិតធម្មប្រះ ឌីតភេទប្រុសអាយុ ៣០ ឆ្នាំជនជាតិថៃ ជាមេខ្យល់និងជាអ្នកបើកបររថយន្តភីកអាប់វីហ្គោ។
ក្រោយពីមានការសាក់សួរ ជំហានដំបូងរបស់សមត្ថកិច្ច ឈ្មោះលក ឃីតបានប្រាប់ថា បានទទួលការទំនាក់ទំនងពីក្រុមបណ្ដាញនាំពលករខ្មែរ ឲ្យមកទទួលពលករខ្មែរនៅបរិវេណតាមបន្ទាត់ព្រំដែនថៃ កម្ពុជាក្នុងទឹកដីស្រុកខ្លងហាត.មានព្រំប្រទល់ជាប់ជាមួយស្រុក អារញ្ញ ដោយឲ្យដេកនៅស្រុកភ្នំសារខាម ខេត្តឆេះឈើង សៅចំនួន ១២ នាក់សរុបអ្នកធ្វើដំណើរទាំងអស់ ១៤ នាក់នៅពេលទៅដល់គោលដៅនឹងបានទទួលប្រាក់ថ្លៃឈ្នួល ពី ពលករខ្មែរ ដល់នាក់បើករថយន្តមានគ្រោះថ្នាក់។ចំណែកពលករខ្មែរដែលរងរបួសទាំងអស់ត្រូវបានសមត្ថកិច្ចបញ្ជូនទៅព្យាបាលនៅមន្ទីរពេទ្យសម្ដេចព្រះយុបរាជស្រះកែវ។
សូមរំលឹកថា ក្រោយពីថ្នាក់ដឹកនាំបានបញ្ជានិងបញ្ជូនកងកម្លាំងជាច្រើនស្ថាប័នពាក់ព័ន្ធមកឈរជើងដើម្បីការពារនិងទប់ស្កាត់មិនឲ្យមានពលករឆ្លងដែនខុសច្បាប់ទៅប្រទេសថៃជាច្រើនស្ថាប័នយ៉ាងណាក៏ដោយ ទីបំផុតនៅតែមានពលករខ្មែរបានចូលឆ្លងកាត់តាមព្រំដែនខ្មែរទៅប្រទេសថៃបានដដែល សំណួរសួរថា មេខ្យល់នាំពលករចូលទៅមានយុទ្ធសាស្ត្រខ្លាំង ឬកងកម្លាំងនិងសមត្ថកិច្ចការពារព្រំដែនអត់មានសមត្ថភាព ឬត្រូវថ្នាំសណ្តំមេខ្យល់!!!៕