ខេត្តបាត់ដំបង ៖ ទីតាំងបើកឲលេងល្បែងស៊ីសងភ្នាល់ជល់មាន់ដោយចាក់មួយគូរៗរាប់ពាន់(ដុល្លា)ប្រមូលផ្តុំ ចាក់និងស្រេកហ៊ោយ៉ាងគគ្រឹកគគ្រេង ផ្អើលភូមិតែសមិត្ថកិច្ចបែជារក្សារភាពស្ងៀមស្ងាត់។
ទីតាំងល្បែងភ្នាល់និងជល់មាន់ដ៏មហាគគ្រឹក គគ្រេង នេះត្រូវបានគេដឹងថា មានទីតាំងជ្រកក្រោមស្លាកកីឡា យីហោអេស អិល ក្នុងភូមិ រំចេក៤.សង្កាត់រតន: ក្រុងនិងខេត្តបាត់ដំបង ខាងកើតសណ្ឋាគាររ៉េស៊ីដង់ នៅជិតស្នងការដ្ឋាននគរបាលខេត្តខេត្តបាត់ដំបង តែម្តង។
ជាក់ស្ដែងនៅថ្ងៃ១០.០៤.២០២២នេះសារព័ត៌មានខ្មែរអច្ឆរិយ: បានធ្វើបទសម្ភាសន៍តាមរយះទូរសព្ទ័(092.151558)របស់លោកអធិការក្រុងបាត់ដំបង នឹងជម្រាបជូននៅទីតាំង ក្រុមបើកល្បែងភ្នាល់ជល់មាន់តាម (online)អនឡាញដែមានទីតាំងដូចខាងលើ ជូនដល់លោកវីរៈសេនីយ៍ឯកពេជ្រ សារ៉ែន អំពីកណីមានបទល្មើសនិងព្រមទាំងបានបញ្ជូនទាំងរូបភាព តាមរយៈប្រព័ន្ធតេលេក្រាមឲមើលថែមទៀតផង ប៉ុន្តែលោកវីរៈសេនីយ៍ឯក ពេជ្រ សារ៉ែនអធិការនគរបាលក្រុងបាត់ដំបងបានត្រឹមតែឆ្លើយតបមកវិញថា ចាំលោកបញ្ជូនកម្លាំងទៅមើល អស់រយៈពេលជិតកន្លះថ្ងៃក្រោយមកក្រុមការងារសារព័ត៌មានយើងបានឃ្លាំមើល តែពុំឃើញមានកម្លាំងសមត្ថកិច្ចថ្នាក់ណាម្នាក់បានចុះមកនិងមានវិធានការណ៌ លើទីតាំងបើកលេងល្បែងនេះឡើយ ចំណែកលេខទូរសព្ទលោកអធិការខលចូលអត់មានអ្នកលើក។
ដោយសាភាព អសកម្មនិងអសមិត្ថភាពរបស់លោកវីរៈសេនីយ៍ឯក ពេជ្រ សារ៉ែន បានកំពុងតែធ្វើឲ្យប្រជាពលរដ្ឋអស់សង្ឃឹម ទៅលើសមត្ថកិច្ចក្រុងបាត់ដំបង ទាំងស្រុង ដោយរយៈពេលកន្លងមកលោកឧត្តមសេនីយ៍ទោសាត គឹមសាន ស្នងការដ្ឋានខេត្តបាត់ដំបង បានចេញនូវសេចក្តីប្រកាសជម្រាបជូនដំណឹងដល់ពលរដ្ឋនៅលេខទូរស័ព្ទសមត្ថកិច្ចទូទាំងខេត្តបាត់ដំបង ដើម្បីឲ្យប្រជាពលរដ្ឋងាយស្រួលទាក់ទង និងដើម្បីឱ្យភូមិឃុំមានសុវត្ថិភាពទាំង ០៧ ចំណុចផង ។ដោយឡែកក្នុងករណីមានបទល្មើសការបើកល្បែងស៊ីសងខុសច្បាប់ដូចមានរៀបរាប់ខាងលើនេះ បែរជាលោកវរសេនីយ៍ឯកពេជ្រ សារ៉ែនធ្វើមិនដឹងមិនឮស្ងាត់ដូចយប់ ពុំមានវិធានការអ្វីចំពោះបនល្បែងនោះទាល់តែសោះ សង្ស័យថា លោកអធិការក្រុងបាត់ដំបងលោកពេជ្រ សារ៉ែនពិតជាមានភាគហ៊ុនជាមួយបនល្បែងនោះហើយមើលទៅបានមិនអើពើ។
ដោយមើលឃើញថា លោកវីរៈសេនីយ៍ឯកពេជ្រ សារ៉ែនអធិការដ្ឋានក្រុងបាត់ដំបងហាក់មានភាពមិនប្រក្រតីបែបនេះ បើតាមសាធារណៈមតិ ស្នើសុំក្រុមការងារប្រឆាំងបទល្មើសអំពើពើពុករលួយឯកឧត្តមឱម យិនទៀងទេសរដ្ឋមន្ត្រីរដ្ឋមន្ត្រីឆាំងអំពើពុករលួយដាក់ការស៊ើបអង្កេតផងទាន?
សូមរំលឹកផងថា ល្បែងចាក់ភ្នាល់ប្រភេទអនឡាញនេះ កំពុងបោះទីតាំងច្រើនក្នុងក្រុងបាត់ដំបង មជ្ជដ្ឋានមួយចំនួនបានពេបជ្រាយហើយនិយាយថា នេះគ្រាន់តែជាបទល្មើសល្បែងស៊ីសងខុសច្បាប់ មិនមានវិធានការណ៌ទប់ស្កាត់ផង ចុះបើមានករណីឆក់ ប្លន់ ជុំរិត និងឃាតកម្មផងនោះតើឲ្យពលរដ្ឋទាក់ទងទៅលេខទូរស័ព្ទអ្នកណា ។
លោកអធិការក្រុងបាត់ដំបង មិនត្រឹមតែយកអនុសាសន៍ថ្នាក់ដឹកនាំកំពូលដាក់ចេញនៅភូមិ ឃុំ មានសុវត្ថិភាពទាំងប្រាំ០៧ចំណុច មិនយកមកអនុវត្តន៌នោះទេ ថែមបានបន្តឱ្យអ្នកបើកល្បែងនិងអ្នកញៀនល្បែងប្រមូលផ្ដុំប្រឆាំងនឹងអនុសាសន៍ ព្រមទាំងមន្ទីរសុខាភិបាលបានដាក់ចេញ ឲគម្លាតសង្គម ៣កុំ ៣ការពារ បន្ថែមទៀត។