ខេត្តកំពង់ស្ពឺ ៖ ដោយមានការអនុញ្ញាតបញ្ជារពីលោកឧត្តមសេនីយ៍ត្រីជូ សារុនមេបញ្ជាការកងរាជអាវុធហត្ថខេត្តកំពង់ស្ពឺ នៅថ្ងៃទី ៣០ ខែមីនាឆ្នាំ ២០២២ កម្លាំងកងរាជអាវុធហត្ថសហហត្ការជាមួយមន្ត្រីអធិការនៃរដ្ឋបាលព្រៃឈើបានបើករថយន្តប្រមាញ់ដេញរថយន្តម៉ាកហាយឡឹនឌ័រ ០១គ្រឿងពណ៌ទឹកប្រាក់ពាក់ស្លាកលេខកណ្ដាល2A. 46 95 សង្ស័យថាមានទុក្ខឈឺ ក្រោយពីសមត្ថកិច្ចធ្វើការប្រមាញ់ស្ទាក់ចាប់បានពិតជារថយន្តដឹកឈើពិតប្រាកដមែន។
បើតាមប្រភពពីសមត្ថកិច្ច បានឲ្យដឹងថា ទំរាំតែសមត្ថកិច្ចតាមប្រមាញ់រថយន្តគួរឱ្យសង្ស័យមួយនេះបាន បានដេញរថយន្តបទល្មើសមកដល់លើផ្លូវលំស្ថិតក្នុងភូមិវាលទន្សាយ ឃុំមានជ័យ ស្រុកឧដ្ដង្គ ខេត្តកំពង់ស្ពឺ រថយន្តល្មើសបានបើកបររថយន្តមកគៀ រថយន្តសមត្ថកិច្ចបណ្ដាលឱ្យបែកកង់ក្រោយ ០១គ្រាប់ រួចក៏មានរថយន្តមួយគ្រឿងទៀតម៉ាក ford ពណ៌ត្រេអ៊ីពាក់ផ្លាកលេខ (ខម 7257)បានឡើងមកបិទមុខ រថយន្តសមត្ថកិច្ចបណ្ដាលឲ្យរថយន្តល្មើសបើកគេចបាត់។
ក្រោយមកដល់ម៉ោង ១៤ និង ៣០ នាទីថ្ងៃទី ៣០ ខែមីនាឆ្នាំ ២០២២ កម្លាំងកងរាជអាវុធហត្ថស្រុកឧត្តុងនិងខេត្តសហការជាមួយកម្លាំងរដ្ឋបាលព្រៃឈើរុករក ក៏បានប្រទះឃើញរថយន្តល្មើស ស្ថិតក្នុងបរិវេណផ្ទះរបស់ឈ្មោះជុំ ផល្លា ភេទស្រីអាយុ ៥៣ ឆ្នាំមុខរបរជាគ្រូបង្រៀនស្ថិតក្នុងភូមិវាលទន្សាយ ឃុំមានជ័យ ស្រុកឧដ្ដុង្គ ខេត្តកំពង់ស្ពឺ។សមត្ថកិច្ចបានសហការជាមួយនឹងអាជ្ញាធរមូលដ្ឋាននិងម្ចាស់ផ្ទះក៏បានឆ្លើយថា រថយន្តនោះបានបើកចូលមកដោយខ្លួនឯងឱ្យម្ចាស់គេចខ្លួនទៅបាត់ដោយបន្សល់ទុកតែរថយន្តនិងឈើចោល ហើយសមត្ថកិច្ចជំនាញក៏បានពិនិត្យមើលក្នុងរថយន្តមានឈឺជាប្រភេទឈើម្រេចញ មានជំនួន ៣៣សន្លឹកស្មើរនិង១.៤៣២ម៉ែតគុណ។
បច្ចុប្បន្នវត្ថុតាងបានយកមករក្សាទុកនៅខណ្ឌរដ្ឋបាលព្រៃឈើកំពង់ស្ពឺដើម្បីបន្តនីតិវិធីស្រាវជ្រាវរកជនល្មើសបន្តរ។
សូមរំលឹកផងដែរថា ក្រុមឈ្មួញរកស៊ីបទល្មើសព្រៃឈើ ដឹកឈើ តែងតែមានបក្សពួកជួយអន្តរាគមន៍ ករណីដូចរថយន្តដឹកឈើម៉ាក ហាយឡិនឌ័រ ០១គ្រឿងនេះបានបើកគេចរួច ពីភ្នែកសមត្ថកិច្ចក៏ដោយសារ តែមានរថយន្តម៉ាក់ ford ពណ៌ត្រេអ៊ីស្លាកលេខ .(ខម.7257)មកជួយអន្តរាគមន៍ផងដែរ ហេតុដូចនេះហើយ ទើបមានមតិមហាជននិងមជ្ឈដ្ឋាននានា សណូមពរដល់សមត្ថកិច្ចកងរាជអាវុធហត្ថខេត្តកំពង់ស្ពឺនិងមន្ត្រីខណ្ឌរដ្ឋបាលព្រៃឈើតាមវែកមុខរករថយន្ត ម៉ាក់ ford ពណ៌ត្រេអុី និងបក្សពួកមកផ្ដន្ទាទោសផងទាន។
