ដើម្បីបង្កភាពងាយស្រួលដល់ប្រជាពលរដ្ឋ រស់នៅក្នុងមូលដ្ឋានខេត្តបាត់ដំបង រួមទាំងមន្ទីរអង្គភាពស្ថាប័នរដ្ឋនិងឯកជន ព្រមទាំងមហាជនទូទៅក៏ដូចជាភ្ញៀវជាតិភ្ញៀវអន្តរជាតិ ដែលមានបំណងធ្វើការទំនាក់ទំនងលើការងារសន្តិសុខ ក៏ដូចជាបញ្ហារផ្សេងៗជាមួយសមត្ថកិច្ចនគរបាលនៅអធិការរដ្ឋាននគរបាលស្រុកទាំង ១៤ និងប៉ុស្តិ៍នគរបាលរដ្ឋបាលទាំង ១០២ ក្នុងខេត្តបាត់ដំបងលោកឧត្តមសេនីយ៍ទោ សាត គឹមសានស្នងការនៃស្នងការរដ្ឋាននគរបាលខេត្តបាត់ដំបង បានដាក់ឲ្យផ្សព្វផ្សាយជាសាធារណៈនៅក្នុងបណ្ដាញទំនាក់ទំនងសង្គម នៅលេខទូរសព្ទដើម្បីប្រជាពលរដ្ឋក៏ដូចជាមហាជនទូទៅអាច ធ្វើការទំនាក់ទំនងដោយផ្ទាល់ក្នុងករណីចាំបាច់ណាមួយ។
ម្យ៉ាងវិញទៀតបងប្អូនប្រជាពលរដ្ឋអាចធ្វើការទំនាក់ទំនង មកលេខទូរស័ព្ទទាន់ហេតុការណ៍(១១៧)(117)ឥតគិតថ្លៃបណ្ដោយលេខនេះមានមន្ត្រីនគរបាលនៅប្រចាំការ ២៤ ម៉ោងលើ ២៤ម៉ោងរង់ចាំទទួលនិងចាត់វិធានការដោះស្រាយជូនគ្រប់ករណីទាំងអស់ដែលទាក់ទងនឹងការងារសន្តិសុខសង្គមសូមអរគុណ៕
