រាជធានីភ្នំពេញ ដោយអនុវត្តតាមបទបញ្ជាឯកឧត្តមសន្តិបណ្ឌិតនេត សាវឿន អគ្គស្នងការនគរបាលជាតិនិងឯកឧត្តមនាយឧត្តមសេនីយ៍ ម៉ក់ ជីតូ អគ្គស្នងការរងទទួលផែនប្រឆាំងបទល្មើសគ្រឿងញៀន ក្រោមការបញ្ជាដឹកនាំផ្ទាល់របស់ឯកឧត្តមឧត្តមសេនីយ៏ឯកឡឹក វណ្ណៈនាយកមន្ទីរប្រឆាំងគ្រឿងញៀន។
កាលពីថ្ងៃទី ២២ ខែមិនាឆ្នាំ ២០២២វេលាម៉ោង ២០ និង ១៥ នាទីសមត្ថកិច្ចជំនាញនៃមន្ទីរប្រឆាំងបទល្មើសគ្រឿងញៀន(ក៏ ៩) ដឹកនាំដោយលោកឧត្តមសេនីយ៍ត្រីយិន បញ្ញារិទ្ធនាយករងមន្ទីរលោកវរសេនីយ៍ឯកដុសវណ្ណា សុវឌ្ឍនៈ នាយករងមន្ទីរនិងលោកវរសេនីយ៍ទោឌុក មករានាយកការិយាល័យ រួមសហការកម្លាំងជំនាញនៃស្នងការដ្ឋាន នគរបាលរាជធានីភ្នំពេញ សម្របសម្រួលដោយលោកសុិត វណ្ណៈព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញចុះស្រាវជ្រាវនិងឈានទៅបង្ក្រាបការដឹកជញ្ជូនរក្សាទុកសារធាតុញៀនមាននៅ ០៣ ចំណុចផ្សេងគ្នាជាបន្តរបន្ទាប់ ទី១.នៅចំណុចបណ្ដោយផ្លូវជាតិលេខ ០៤ បង្គោលគីឡូម៉ែត្រលេខ ២៣ទាល់មុខរោងចក្រ CPF ឃុំបែកចាន ស្រុកអង្គស្នួល ខេត្តកណ្ដាល ទី ២ នៅចំណុចផ្ទះលេខ ២០ ផ្លូវលេខ ១១ ភូមិថ្មី សង្កាត់ភ្នំពេញថ្មី ខណ្ឌសែនសុខ ទី ៣ នៅចំណុចផ្ទះគ្មានលេខជាប់(ផ្ទះលេខ ១A២)ផ្លូវលំលេខ ៥៩៨ ភូមិទំនប់ សង្កាត់ភ្នំពេញថ្មីខណ្ឌសែនសុខលទ្ធផល។
ឃាត់ខ្លួនជនសង្ស័យ ០៣ នាក់រួមមាន÷
១.ឈ្មោះLy.YANG ភេទប្រុសជនជាតិចិន( តៃវ៉ាន់)កើតឆ្នាំ 1988 លិខិតឆ្លងដែន(គ្មាន)
២.ឈ្មោះJEN.HAOJUNភេទប្រុស ជនជាតិចិន(តៃវ៉ាន់)កើតឆ្នាំ១៩៨៤កាន់លិខិតឆ្លងដែនលេខ(360271474)
៣.ឈ្មោះCHEN POYEN ភេទប្រុសជនជាតិចិន(តៃវ៉ាន់)កើតឆ្នាំ១៩៩៣កាន់លិខិតឆ្លងដែនលេខ(៣០៧៥២០៥៤១)
ចាប់បានវត្ថុតាងរួមមាន÷១.កេតាមីន(ketamine)ទម្ងន់៩៩គ.ក្រ៦០២.០៣ក្រាម
២.អិចស្តាសុី(MDMA)ទម្ងន់៧គ.ក្រ៣៧៩ក្រាម
៣.មេតំហ្វេតាមីន(WY)ទម្ងន់១៩០ក្រាម
៤.នីមេតាហ្សេប៉ាម(NImetazepam)ទម្ងន់៧.២ក្រាម
*សារធាតុញៀនសរុប១០៧គ.ក១៧៨.២៣ក្រាម
បច្ចុប្បន្នជនសង្ស័យព្រមទាំងវត្ថុតាងចាប់យកខាងលើបានកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការបន្តតាមនីតិវិធី៕