បាត់ដំបង ៖ នៅថ្ងៃទី ២៥ ខែមីនាឆ្នាំ ២០២២ នេះកម្លាំងសមត្ថកិច្ចជំនាញនៃអគ្គនាយកដ្ឋានសុខភាពសត្វនិងផលិតកម្មសហការណ៌ជាមួយការិយាល័យផលិតកម្មនិងបសុព្យាបាលនៃមន្ទីរកសិកម្មខេត្តបាត់ដំបង បានចុះស្ទាក់ចាប់រថយន្តមួយគ្រឿងម៉ាកសាំយ៉ុង (Ssagyog istana) ពណ៌ស ជាប្រភេទរថយន្តដឹកអ្នកដំណើរ ១៥ កៅអីពាក់ផ្លាកលេខភ្នំពេញ២k.៦៤៨៧ ដែលបានដឹកគ្រឿងក្នុងមាន(កោះមាន់ចំនួន៣៩០០kg)នាំចូលពីប្រទេសថៃមកកាន់ប្រទេសកម្ពុជា តាមច្រកដូង ស្រុកកំរៀង ខេត្តបាត់ដំបង បម្រុងនឹងយកទៅចែកចាយនៅ ក្រុងបាត់ដំបងដោយគ្មានលិខិតអនុញ្ញាតិអ្វីទាំងអស់។
ប្រតិបត្តិការបង្ក្រាបគ្រឿងក្នុងមាន់បងកក ៤ តោននេះក្រោមការបញ្ជាដោយផ្ទាល់ពីឯកឧត្តមតាន់ ផាន់ណារ៉ា ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយកនៃអគ្គនាយកដ្ឋានសុខភាពសត្វនិងផលិតកម្មសត្វ បានឲ្យក្រុមការងារអន្តរាគមន៍បង្ក្រាបបទល្មើសចលនាសត្វចាប់ឃាត់រថយន្តដឹកគ្រឿងក្នុងមាន់បង្កកនេះនៅចំណុចលើផ្លូវជាតិលេខ 57Bភូមិស្ពានកណ្ដាល ឃុំបវេល ស្រុកបវេលខេត្តបាត់ដំបង។
បន្ទាប់ពីឃាត់ចាប់ រថយន្តបានសមត្ថកិច្ចបាននាំយកបទល្មើស និងវត្ថុតាងទាំងនោះទៅរក្សាទុក នៅមន្ទីរកសិកម្មរុក្ខាប្រមាញ់និងនេសាទខេត្តបាត់ដំបង ដើម្បីចិត្តការតាមនីតិវិធី។